Torta Caprese – súkkulaðikaka frá Capri
Þessi dásemdar súkkulaðikaka á rætur að rekja til fallegu eyjarinnar Capri á Ítalíu. Torta Caprese er hveitilaus – möndlumjöl og dökkt súkkulaði gefa kökunni djúpt og ríkt bragð, auk þess sem áferðin verður bæði mjúk og þétt í senn.
Sagan segir að kakan hafi orðið til fyrir mistök þegar bakari gleymdi að bæta hveiti út í deigið – en útkoman var svo ljúffeng að hún varð klassík! Hún er fullkomin með espressóbolla eða límónulíkjör eftir góða máltíð og hentar líka vel þeim sem forðast glúten.
Ég baka þessa köku annað slagið þegar mig langar í eitthvað sérstakt og ítalskt – og hún klikkar aldrei.
Meðan hún bakast má raula Caprí Katarína 🙂
🇮🇹
— SÚKKULAÐITERTUR — KAPRÍ — ÍTALÍA — GLÚTENLAUS —
🇮🇹
Torta Caprese – súkkulaðikaka frá Capri
125 gr afhýddar möndlur fínt saxaðar
125 gr dökkt súkkulaði (70%)
125 gr ósaltað smjör í bitum
125 gr sykur
3 stór egg, aðskiliin
flórsykur ofan á
Bræðið smjör og súkkulaði saman, hrærið út i sykur og möndlumulning. Kælið svolítið og bætið rauðum við. Þeytið hvíturnar og blandið varlega saman við deigið.
Bakið við 160°C 40 mín. Sigtið flórsykur ofan á.
🇮🇹
— SÚKKULAÐITERTUR — KAPRÍ — ÍTALÍA — GLÚTENLAUS —
