Bláber
Sífellt fleiri rannsóknir staðfesta mikilvægi andoxunarefna fyrir heilsu líkamans. Nýleg rannsókn*, sem unnin var af matvælafræðinema við South Dakota State University, Marin Plumb, beindist að bláberjum og áhrifum frystingar á næringargildi þeirra. Niðurstöðurnar voru athyglisverðar: bláber halda næringargildi sínu jafnvel eftir allt að sex mánuði í frysti.
— MATUR LÆKNAR — BLÁBER —
.
Marin mældi magn andoxunarefna í bláberjum sem höfðu verið frosin í einn, þrjá og fimm mánuði. Í ljós kom að næringargildið hélst ekki aðeins óbreytt heldur jókst jafnvel þéttni anthocyanins, öflugs andoxunarefnis sem gefur berjunum sinn djúpa bláa lit.
Bláber teljast með hollustu fæðutegundum sem völ er á og eru rík af virkum efnum sem hafa margvísleg jákvæð áhrif á heilsu. Leiðbeinandi Marin við rannsóknina, prófessor Basil Dalaly, sem kennir kúrs um plöntuefni (phytochemicals) í ávöxtum og grænmeti, bendir á að magn andoxunarefna í bláberjum sé sambærilegt við það sem finnst í jarðarberjum og granateplum.
„Það er ekki tilviljun að náttúran leiðir okkur að hollri fæðu með skærum litum,“ segir Dalaly. „Anthocyanin er bæði öflugt andoxunarefni og litarefni sem gefur mörgum ávöxtum og berjum sinn einkennandi lit — og vinnur jafnframt kraftaverk í líkamanum.“
Niðurstöður rannsóknarinnar sýna að fjölmargar ástæður eru fyrir því að neyta bláberja daglega. Þar má meðal annars nefna að efni í bláberjum:
– bæta minni og viðbragðshraða
– vernda augnhimnu gegn skaðlegu sólarljósi
– bæta blóðflæði og auka teygjanleika æðaveggja
– draga úr líkum á Alzheimer-sjúkdómi og öðrum elliglöpum
– vinna gegn sindurefnum í meltingarvegi sem geta stuðlað að krabbameini
– veita vörn gegn eitruðum málmum, svo sem kadmíum
– bæta blóðsykursstjórn
– styrkja taugakerfið.
Bláber eru því sannkölluð ofurfæða — bæði fersk og fryst.
.
— MATUR LÆKNAR — BLÁBER —
.