Notaleg ítölsk stemning á Grazie Trattoria við Hverfisgötu, frábær matur, hlý þjónusta og réttir sem minna á bestu stundir frá Ítalíu.
Grazie trattoria restaurant
Á horni Barónsstígs og Hverfisgötu er ítalski veitingastaðurinn Grazie – TAKK, sem Jón Arnar Guðbrandsson stofnsetti fyrir fjórum árum. Mjúkur Volare var í hátölurunum og styrkurinn var allan tímann þægilegur. Eins og sést af myndunum er staðurinn notalegur og þjónustan er það sömuleiðis, látlaus og vingjarnleg, Aníta talar fína íslensku en er frá Tékklandi. Stórir gluggar vísa út á báðar göturnar. Samt heyrist ekkert í umferðinni, en þar sem það voru vorjafndægur var bjart inni þó að litir séu alldökkir og hlýlegir.
Forréttaplattinn, – Antipasto misto, minnti yndislega á Ítalíu, allt á sínum stað, ítalskar pylsur, Parma-skinka, súrsað grænmeti, ólífur, hvítlauksbrauðið var alveg to die for.Saltfiskur með ólífum, kapers og kartöflumús og kirsuberjatómatar. Þetta var í algjöru uppáhaldi, fallegur réttur en ennþá betri en hann leit út. Við höfum smakkað óteljandi saltfiskrétti í Portúgal, Spáni og Ítalíu, en þessi er áreiðanlega með þeim bestu. Mæli með!Við rifjuðum upp cotoletta alla milanese frá því í Mílanó um daginn og vorum mjög ánægðir með samanburðinn, cotoletta alla milanese er barið kálfafillet í raspi með kartöflumauki, sem er ítalska útgáfan af Wienerschnitzel.Pítsurnar eru með þunnum, stökkum botni, mjög bragðgóðar og passlega brenndar. Við fengum okkur pepperoni pizzu með pizzasósu og mozzarella.Eftirréttirnir voru allir góðir, drukknaður (=affogato) ís í kaffi, pannacotta, tiramisu og súkkulaðiterta.Á Grazie er lítil sælkerabúð með extra góðum vörum. Einnig er boðið upp á Pitsuskóla, Pastaskóla og Tiramisúskóla á Grazie.Albert, Bergþór og Ólafur á Grazie á HverfisgötuGrazie trattoria restaurantGrazie trattoria restaurantHvítlauksbrauðiðFærslan er unnin í samstarfi við Grazie trattoria restaurant
