Fiskur undir kókosþaki
Stundum verða uppskriftirnar til með því að slá einfaldlega inn í Google það hráefni sem er til í ísskápnum – eða það sem mann langar í hverju sinni. Að þessu sinni var það löngunin sem réð för og þannig fann ég þessa uppskrift. Í upphaflegri útgáfu er makríll, en ég valdi að nota hlýraflak sem reyndist einstaklega vel.
— FISKUR — FISKUR Í OFNI — KÓKOSMJÖL —
.
Fiskur undir kókosþaki
1 fiskflak
1 laukur fínt saxaður
1 dl góð olía
2-3 hvítlauksrif, söxuð
ferskt kóríander, saxað
1/3 tsk chili
1/2 tsk garam masala
1 tsk túrmerik
1-2 cm engifer, smátt saxað
safi úr hálfri sítrónu
1 bolli kókosmjöl
Setjið fiskflakið í eldfast form. Steikið laukinn í olíunni, bætið út í hvítlauk, kóríander, chili, garam masala, túrmerik, engifer, sítrónusafa og látið malla smá stund. Bætið við kókosmjöli í lokin. Hellið af pönnunni yfir fiskinn og eldið við 175°C í um 20 mín.
— FISKUR — FISKUR Í OFNI — KÓKOSMJÖL —
.