Frönsk eplabaka – Tarte aux pommes

Frönsk eplabaka – Tarte aux pommes

Það fallega við Tarte aux pommes er einmitt einfaldleikinn. Hún á ekki að vera of sæt, ekki yfirhlaðin – eplin eiga að njóta sín. Við erum að tala um stökkt bökudeigi með þunnu lagi af sultu og örlitlum kanil. Í Frakklandi er gjarnan sagt að „baka sem segir mest um bakarann“ – því í einfaldleikanum kemur handbragðið best í ljós.
Tarte aux pommes er ekki hátíðarbaka í þeim skilningi, heldur daglegt kaffimeðlæti: baka sem var sett saman úr því sem var til, oft borin fram volg með kaffibolla eða eftir matinn.
Hér er mín útgáfa af uppskriftinni. Mér finnst betra að útbúa deigið deginum áður– það verður mýkra og auðveldara í vinnslu.

— BÖKUR — FRAKKLAND — FÁSKRÚÐSFJÖRÐUR – GRAVELINES —

.

Frönsk eplabaka – Tarte aux pommes

Deigið

1 1/4 b hveiti
1 msk sykur
1/2 tsk salt
120 g smjör við stofuhita
3 msk kalt vatn

Blandið öllu saman með höndunum.
Látið það hvíla góða stund – helst í ísskáp.
Ég geri deigið oft daginn áður og geymi það þar yfir nótt.

Fylling

3 græn epli
apríkósusulta
kanill

Fletjið deigið út og setjið í eldfast form.
Bakið við 175°C í um 15 mínútur.
Flysjið eplin og skerið í þunnar sneiðar.
Smyrjið þunnu lagi af apríkósusultu á forbakaða botninn, raðið eplunum ofan á og stráið kanil yfir.
Bakið áfram í um 30 mínútur, eða þar til eplin eru mjúk og botninn gullinn.

Þetta er baka sem þarf ekki meira – kannski bara skeið af léttþeyttum rjóma eða góðum vanilluís ef maður vill dekra aðeins. En hún stendur líka fullkomlega ein og sér, alveg eins og franskar heimabökur eiga að gera. 🍎🥧

.

— BÖKUR — FRAKKLAND — FÁSKRÚÐSFJÖRÐUR – GRAVELINES —

.