Karrýkókospottréttur
Sumir réttir eru þannig að það er engu líkara en þeir breyti lífi manns, áhrifin verða svo mikil og eftirminnileg. Það á við um þennan grænmetispottrétt. Á fögru síðsumarskvöldi í gömlu húsi á Ísafirði bragðaði ég hann fyrst og át yfir mig…
.
— GRÆNMETISRÉTTIR — ÍSAFJÖRÐUR — POTTRÉTTIR — VEGAN —
.
Karrýkókospottréttur
3 laukar
2 dl jómfrúarólífuolía
500 g sætar kartöflur
500 g spergilkál
1 rauð paprika
2 gulrætur
2 tómatar
1-2 msk. grænmetiskraftur
2 dl vatn
2-3 msk. ferskt kóriander
400 ml kókosmjólk
200 g soðnar linsubaunir
2 bananar
1-2 msk. karrímauk eða karríduft.
Skerið allt grænmetið í hæfilega stóra bita, ekki of litla. Hitið olíuna í stórum potti, látið karríið og laukinn út í og steikið um stund. Bætið við gulrótum, sætum kartöflum, spergilkáli, papriku, tómötum, grænmetiskrafti og vatni. Sjóðið í um 20 mínútur við lágan hita. Bætið þá kóríander, kókosmjólk, soðnum linsubaunum, karríi og banönum út í. Látið sjóða í nokkrar mínútur til viðbótar. Saltið og piprið ef þarf. Berið fram með hrísgrjónum eða bankabyggi.
.
— GRÆNMETISRÉTTIR — ÍSAFJÖRÐUR — POTTRÉTTIR —
.
