Knálegir klúbbtjúttar
Þessir „snúðar“ eru hreinlega ómissandi í saumaklúbbinn, föstudagskaffið, á kaffihlaðborðið – já, eða bara hvar sem er og hvenær sem er. Þeir eru knálegir, bragðmiklir og hverfur hratt af disknum.
Saumaklúbbsdömur á Fáskrúðsfirði útbjuggu þessa klúbbtjútta fyrir blað Franskra daga og uppskriftin hefur lifað góðu lífi síðan.
— SAUMAKLÚBBAR — SMJÖRDEIG — SNÚÐAR — FÁSKRÚÐSFJÖRÐUR — FRANSKIR DAGAR — ENGLISH —
.
Knálegir klúbbtjúttar (40stk)
2 pakkar (400 g) smjördeig
75 g blaðlaukur, smátt skorinn
250 g skinka, smátt skorin
100 g gráðostur, rifinn
2 eggjarauður
Raðið smjördeigsplötunum saman þannig að þær myndi aflangan ferhyrning. Látið brúnirnar skarast örlítið, bleytið þær létt og fletjið út. Gott er að fletja deigið með bökunarpappír bæði ofan og neðan. Gætið þess að deigið verði ekki of þunnt.
Stráið blaðlauk, skinku og rifnum gráðosti jafnt yfir deigið. Rúllið því síðan þétt upp og skerið í um það bil 3 cm þykka búta. Raðið snúðunum á bökunarplötu, þrýstið létt á hvern bita og penslið með eggjarauðu.
Bakið í 180°C heitum ofni með blæstri í um 15 mínútur, eða þar til snúðarnir eru fallega gullinbrúnir.
Berið fram með rifsberja- eða hrútaberjahlaupi – eiginlega alveg nauðsynlegt.
— SAUMAKLÚBBAR — SMJÖRDEIG — SNÚÐAR — FÁSKRÚÐSFJÖRÐUR — FRANSKIR DAGAR — ENGLISH —
.