Ávaxtaterta. Það er fátt matartengt sem gleður mig eins þessa mánuðina eins og hrátertur, enda hver annarri betri. Ólíkt „venjulegum tertum“ þá eru hrátertur jafngóðar ef ekki betri daginn eftir. Heiðurshjónin Vildís og Charles buðu upp á ávaxtatertu sem eftirrétt.
— ÁVAXTATERTUR — VILDÍS OG CHARLES — HRÁTERTUR —
.
Ávaxtaterta
Botn:
3 dl möndlur (lagðar í bleyti í nokkrar klst.)
1 dl heslihnetur (lagðar í bleyti í um klst)
3 dl döðlur (lagðar í bleyti í um klst)
smá salt
1 tsk vanillu extract
2 msk kakó nibbs
Fylling:
2 dl kasjúhnetur
2 dl döðlur (lagðar í bleyti í um klst)
3 msk kakóduft
1 tsk vanillu extract
smá salt
Ofan á:
6-7 dl ferskir ávextir
1/2 dl gróft kókosmjöl
50-60 g dökkt gott súkkulaði
1 msk góð olía
Botn: Setjið allt í matvinnsluvél og maukið. Látið í form með lausum hliðum og þjappið vel.
Fylling: Setjið allt í matvinnsluvél og maukið. Þynnið með döðluvatninu eftir þörfum. Látið ofan á botninn.
Ofan á: Saxið ávexti og setjið ofan á tertuna. Bræðið súkkulaði og olíu í vatnsbaði og hellið yfir. Stráið kókosmjöli yfir
Kælið tertuna í amk klst. eða yfir nótt.
.
.
