Steiktur kjúklingur eftir þeldökkri konu í New Orleans
Útvarpskonan Sigurlaug M. Jónasdóttir las þessa uppskrift upp í matarþætti sínum fyrir mörgum árum og lýsingin var svo girnileg að maður varð einfaldlega að prófa. Og viti menn – þetta er einstaklega bragðgóður steiktur kjúklingur með stökkri skorpu og safaríku kjöti.
Kryddblandan gefur kjúklingnum dásamlegt bragð og sesamolían setur skemmtilegan svip á réttinn. Berið fram með salati, hrísgrjónum eða couscous.
— SIGURLAUG MARGRÉT — KJÚKLINGUR — BANDARÍKIN —
.
Steiktur kjúklingur eftir þeldökkri konu í New Orleans
kjúklingalæri
mjólk til að leggja kjúklinginn í í 15 mínútur
Kryddhúð
2 dl hveiti
1 msk paprika
1 msk karrý
2 tsk salt
nýmalaður pipar
Blandið þurrefnunum saman og veltið kjúklingabitunum upp úr blöndunni.
Til steikingar
4 hlutar góð matarolía
1 hluti sesamolía
Steikið kjúklinginn við meðalhita í um 5 mínútur á hvorri hlið með lok á pönnunni. Takið þá lokið af og slökkvið undir.
Raðið kjúklingabitunum í eldfast mót og setjið í 180°C heitan ofn. Slökkvið strax á ofninum og látið kjúklinginn standa þar til mesti hitinn er farinn úr ofninum.
Berið fram heitt og njótið vel.
Fleira áhugavert:
— Svangi Mexíkaninn besti brauðrétturinn – Kryddbrauð mömmu – Fiskbollur – hin klassíska góða uppskrift – Hægeldaðir lambaskankar – Hafragrautur — Veislur hjá A&B — Skúffukaka sem klikkar ekki – Draumaterta dásamlega góð –
sæll Albert
ég heiti Guðny og er kona að BERJAST við vefjagigt m.a. með því að vera á GAPS diet. þar er lögð áhersla ã “gerjaðan” mat þ.m. drykki. Ég er því að leita að einhverjum sem á kombucha sveppinn (te sveppinn). það er hægt að kaupa hann erlendis en hann er viðkvæmur í flutningi.
þetta var mjög vinsælt hér fyrir einhverjum árum þ.a. það er góður möguleiki að ég geti nálgast “afleggjara” ef ég finn einhvern eigandann.
veist þú um einhvern sem gæti hjálpað mér?
kveðja
Guðny B. Guðjónsdóttir
Blessuð og sæl, Guðný! Nú auglýsum við hér með eftir sveppaeiganda sem vill gefa þér afleggjara. En ef þú ert að berjast við vefjagigtina, eins og þú segir þá duga sennilega engar pillur. Þú ættir að skoða mataræðið í heild sinni t.d. með aðstoð næringafræðings eða grasalæknis.
Ég var að prófa þennan. Þetta er frábær réttur. Ég verð að viðurkenna að ég notaði möndlumjöl í stað hveiti þar sem ég er með óþol fyrir hveiti og heilhveiti og úrbeinuð læri því að ég átti þau. Mikið ótrúlega var þetta mjúkur matur og frábærlega bragðgóður 🙂
Ég á eftir að gera þetta aftur
Takk fyrir mig
Kveðja,
María
Mamma eldaði þetta hérna hjá okkur Ármanni í gærkvöldi og nammi hvað þetta er ljúffengt mæli sko vel með þessum kjúklingi með salati og öðru góðu meðlæti eins og cus cus eða hrísgrjónum 😉
Comments are closed.