Fíkjubrauð
Mikið óskaplega er gaman að baka. Í dag er það fíkjubrauð sem rennur ljúflega niður með góðum kaffibolla. Í upphaflegu uppskriftinni er tekið fram að maður eigi að sjóða fíkjurnar í nokkrar mínútur, ég sleppti því enda engin ástæða til. Bökum og bökum.
— FÍKJUR — BRAUÐ — KRYDDBRAUÐ —
.
Fíkjubrauð
3/4 b (soya)mjólk
1/2 tsk sítrónubörkur
1/2 tsk múskat
1/4 tsk negull
2/3 b fíkjur, saxaðar gróft
1/3 b döðlur, saxaðar gróft
2 msk púðursykur
3 msk góð olía
2 egg
1 2/3 b heilhveiti
1 1/2 tsk matarsódi
1/4 tsk salt
1/3 b valhnetur, saxaðar
Blandið öllu saman í skál og hrærið vel. Bakið í jólakökuformi í um 40 mín á 175°C
.
.
