Sumarsalat með kasjúhnetudressingu. Heimsóttum garðyrkjustöð á Flúðum um helgina og heilluðumst af starfseminni þar. Það skemmdi heldur ekki fyrir að við fengum að smakka á öllu að vild. Nú verðum við að hjálpa garðyrkjubændum að borða uppskeruna sem nú flæðir af ökrum þeirra…
Sumarsalat með kasjúhnetudressingu
1 b spergilkál
1 b blómkál
1 b rifnar gulrætur eða saxaðar
spínat að vild
1 msk rauðlaukur, saxaður
½ b rúsínur
½ b sólblómafræ
steinselja.
Saxið gróft spergilkál og blómkál, látið í stóra skál ásamt gulrótum, gróft söxuðu spínati, rauðlauk, rúsínum, sólblómafræjum og steinselju. Í salatið má nota aðrar tegundir grænmetis enda uppskeran núna í hámarki.
Dressing:
1 b kasjúhnetur, lagðar í bleyti í um klst
safi úr 1 1/2 sítrónu
2 msk góð olía
1/4 b vatn
ca 1/3 b blaðlaukur, saxaður gróft
1 hvítlauksrif
1 msk gott hunang
smá Dijon sinnep
salt
Setjið allt í matvinnsluvélina og maukið vel. Blandið saman við salatið og látið standa í 1-2 klst við stofuhita áður en er borið á borð.
