Vestrænt mataræði eykur líkur á ADHD
Unglingar á vestrænu mataræði eru tvöfalt líklegri til að greinast með ADHD en unglingar annars staðar að sögn Sigríðar Jónsdóttur ADHD-ráðgjafa.
Sigríður, sem flutti erindi á málþingi um ADHD á laugardaginn, segir að mataræði hafi mikil áhrif á sjúkdóminn. Til dæmis séu mjólkurvörur, sykur og hveiti talin hafa slæm áhrif á ADHD. Að auki dragi mjólkurvörur úrupptöku járns í blóði og geti valdið járnskorti, en fólk með ADHD sé oft viðkvæmt fyrir honum.
Sigríður bendir á að tímaritið Science Daily hafi fjallað um niðurstöður rannsóknar sem bendi til þess að tengsl séu ´á milli vestræns mataræðis og ADHD. Rannsóknin var gerð af Perth´s Telethon Institute for Child Health Resarch.
Mataræði 1800 unglinga var rannsakað og flokkað í heilsusamlegt mataræði og vestrænt mataræði. Vestrænt mataræði taldist vera skyndibiti, unnin matvara, hreinsaður matur, rautt kjöt, mjólkurvörur, unninn sykur, natríum og aukaefni.
Í rannsókninni reyndust unglingar á vestræna fæpinu tvöfalt líklegri til þess að greinast með ADHD. Fram kom að vestrænt mataræði skorti fólinsýrur, fitusýrur og snefilefni, en þetta séu mikilvæg næringarefni fyrir einbeitingu, geðheilsu og heilastarfsemi.
Einnig voru vísbendingar um að vestrænt mataræði innihéldi ekki næg snefilefni fyrir þá heilastarfsemi sem tengist athygli og einbeitingu og innihéldi mikið af aukaefnum sem hafa verið tengd við einkenni ADHD. Heilsusamlegra fæði sem henti þessu fólki séu ferskir ávextir, grænmeti, fiskur ríkur af omega fitusýrum og korn.
Sigríður segir að fólk sé oft ranglega greint með ADHD þegar það hafi í raun aðra undirliggjandi röskun, jafnvel járnskort eða svefnleysi, hins vegar séu vísbendingar um tengsl ADHD svefnleysis og járnskorts.
Sigríður segir að hjá fólki með raskanir eins og ADHD, einhverfu, tourette og fleiri sé mikilvægt að greina næringarefni í blóði sem séu mikilvæg fyrir fólk með ADHD, járn, D3-vítamín, B12-vítamín og magnesíum. Einnig sé mikilvægt að mæla blóðsykur og kanna starfsemi skjaldkirtilsins.
💐
— MATUR LÆKNAR — TOURETTE —
💐💐
