Veitingastaðurinn Campus. Í Þverholtinu er yndislegt hádegisverðar- og kaffihús, þar sem Listaháskólinn er til húsa (og DV var einu sinni). Tengslin við Listaháskólann gefa skemmtilega stemningu; þegar við litum inn, var fatahönnunarsýning inn af veitingastaðnum. Sömu eigendur eru að Krydd & Tehúsinu í Þverholti nær Hlemmi, handbragðið á báðum stöðum einstaklega snyrtilegt og indælt.
Hér er lögð áhersla á virðingu við náttúruna. Ef maður velur að taka matinn með sér, brotna umbúðirnar niður í náttúrunni. En það sem einkennir matreiðsluna er ferskt hráefni, allt eldað frá grunni, fallegt útlit og gæti verið borið fram á mörgum sinnum dýrari veitingastöðum. Þegar maður kíkir inn í pappírsumbúðirnar leynist gimsteinn!
Hér fást ljúffengir vegan, þéttir kanilsnúðar (franskur bakari á staðnum(í röndóttum bol))
Vegan samloka með pestó, grillaðri papriku og eggaldini, rauðlauk og salati á súrdeigsbrauði – mmm
Ferskur hummus, útbúinn eftir kúnstarinnar reglum, hreinlega besti hummus á Íslandi – to die for – , og svo mætti lengi telja, að ógleymdum réttum dagsins.
Þegar við komum voru réttir dagsins dýrlegur ekta marokkóskur mildur kjúklingur með steiktum ávöxtum og möndlum, kúskús og brakandi salati á boðstólum (1790), ótrúleg gæði fyrir þetta verð, smakkaðist alls ekki eins og neitt „take-away“, heldur vorum við komnir á góðan marokkóskan veitingastað
Silllllkimjúk súpan, bragðmikil úr hvítum rótarávöxtum (sellerírót, blómkál, steinseljurót o.s.frv. með hvítlaukskeim) (1150), ….
Einnig fengum við túnfisksamloku, mjög bragðmikla, án þess að vera sterk með léttum chili keim, kartöflum, eggjum, ólívum og klettasalati á súrdeigsbrauði. Hægt er að fá hálfa samloku og hálfa súpu á verði samlokunnar. Fullkominn hádegisverður.
Texti: Albert Eiríksson albert.eiriksson (hjá) gmail.com
Myndir: Bragi Bergþórsson
