Jólaævintýri Marentzu Poulsen á Flórunni. Marentza Poulsen hefur kennt okkur margt. Fyrst man ég eftir henni þegar hún stóð vaktina við jólahlaðborðin á Loftleiðum. Með bros á vör benti hún fólki að fara margar ferðir og blanda ekki öllu saman. Síðan hef ég fylgst með öllu sem frá henni kemur af miklum áhuga.
Það er sannkallað ævintýri að sjá hvernig búið að að skreyta Flóruna í Grasagarðinum núna fyrir jólin. Eins og áður stendur Marentza þar vaktina og galdrar fram næstum því óteljandi jólarétti sem bornir eru fram á litlum plöttum. Allt unnið á staðnum, meira að segja verkaði hún síldina sjálf. Held hún hafi beðið á bryggjunni þegar síldarskipin lögðu að. Allt bragðgott og fallegt. Til að auka enn frekar á stemninguna spilaði Monika jólalög á hörpu. Það má vel mæla með matnum og jólastemningunni á Flórunni.
Rauðrófur á fetakremi, hangikjöt á laufabrauði með grænertukremi. Makríll, en við náðum hvorugur hvað var undir honum.Rauðrófugrafinn lax með dillmajó. Heitreyktur lax með piparrótar- og eplasalati. Grafin gæs með lifrarfrauði og fíkjusultu. Reykt önd með rauðrófu- og piparrótarsalati. Dönsk lifrarkæfa með fleski og sveppum og súrsæt grísasíða með rauðrófum og sinnepi. Ég legg ekki meira á ykkur 🙂Lambabógur, fylltur með eplum og þurrkuðum ávöxtum. Lungamjúkur síðubiti af grís með puru og andalæra confit í anda jólanna. Með þessu var borið fram trönuberjasinnep, eplasalat, sveppasósa, sætkartöflumús með hvítu súkkulaði og sykurpúðum, heimalagað rauðkál og karamellugljáðar kartöflur.Súkkulaðidrumbur með ítölskum marengs og karamellupoppiJólalegt Crème Brûlée og Riz à l’amande með kirsuberjasósu og piparkökumulningi
Bananabrauð. Ilmurinn af nýbökuðu bananabrauði fyllir vitin, brauðið rennur ljúflega niður með góðu hollu viðbiti. Best er að nota vel þroskaða banana. Einfalt og gott brauð - bökum og bökum :)
Steinseljupestó. Alltaf er nú gaman að prófa nýjar útgáfur af pestói. Í pestói dagsins er uppistaðan basil og steinselja, kasjúnhetur og sólblómafræ. Steinseljan er meinholl, hún er uppfull af næringarefnum og þekkt fyrir mikið magn C vítamíns. Hún inniheldur hlutfallslega meira C vítamín en appelsínur. Allt er það vænt sem vel er grænt.
Konfektterta. Á meðan ég ritstýrði blaði Franskra daga fékk ég oft saumaklúbba til að vera með uppskriftir í blaðinu. Einu sinni voru þar Fáskrúðsfjarðarkonur í Félagi austfirskra kvenna. Sigurbjörg frænka mín Bjarnadóttir bakaði Konfekttertu og kom með. Alveg stórfín terta sem ber nafn með rentu.
