Bananarjómaterta og nýbakað brauð í Borgarnesi

rjómaterta bananarjómaterta Olgeir Helgi Ragnarsson og Theodóra Þorsteinsdóttir ingibjörg þorsteinsdóttir Olgeir og Theodóra BORGARNES bananaterta bananarjómi brúnn svampbotn brauð fræbrauð speltbrauð rækjusalat rækjur
Olgeir og Theodóra við veisluborðið

Bananarjómaterta og nýbakað brauð í Borgarnesi

Í Borgarnesi búa sönghjónin Olgeir Helgi Ragnarsson og Theodóra Þorsteinsdóttir sem af flestum er þekkt sem Teddó. Sagan af því hvernig þau kynntust er nokkuð skondin. Olgeir var söngnemandi Teddóar, sem þá var nýorðin skólastjóri tónlistarskólans.  „Bananarjómatertan er alltaf bökuð fyrir afmæli Olgeirs, enda uppáhaldstertan hans. Ég geri alltaf rækjusalat fyrir afmæli og dætrunum finnst það ómissandi í mömmuveislur. Imbu-brauðið er mjög vinsælt á heimilinu, en uppskriftin er frá Ingibjörgu Þorsteinsdóttur með tilbrigðum Olgeirs.”

BORGARNESBRAUÐTERTURRJÓMATERTUR

.

Bananarjómaterta

Bananarjómaterta

Brúnn svampbotn:

4 egg
150 g sykur
130 g hveiti
1 tsk lyftiduft
2 msk kakó
Pínu salt

Botnar: Þeytið egg og sykur saman, ljóst og létt. Blandið þurrefnum varlega saman við. Setjið í tvö smurð hringlaga tertuform. Bakið við 180˚ í miðjum ofni í 15-20 mín.
Krem: Þeytið u.þ.b. hálfan lítra af rjóma, stappið 2 meðalstóra banana og bætið út í þeyttan rjómann, setjið á milli botnanna og ofan á. Má skreyta með súkkulaðispænum eða öðru að vild.

Imbubrauðið er mjög vinsælt á heimilinu, en uppskriftin er frá Ingibjörgu Þorsteinsdóttir með tilbrigðum Olgeirs.”

Imbubrauð ala Olgeir Helgi

750 ml spelt hveiti (lífrænt ræktað og má blanda saman grófu og fínu að vild)
250 ml fræ (lífrænt ræktuð, blanda saman t.d. graskersfræjum, hörfræjum og sólblómafræjum)
2 msk sjávarsalt (t.d vestfirskt flögusalt)
2 msk þurrger
500 ml volgt vatn

Þurrefni hrærð saman, vatni bætt út í og hnoðað (í Kitchen-aid hrærivélinni sem maður erfði frá ömmu). Látið standa undir loki yfir nótt. Setjið deigið í lokaðan leirpott eða eldfast mót. Bakið við 250˚C í 45 mín. Takið lokið af og bakið áfram í 15 mín. Takið úr pottinum og látið brauðið taka sig á borði, undir viskustykki, í um 30 mín.

Imbubrauð ala Olgeir Helgi
Rækjusalat ala Teddó

Rækjusalat à la Teddó

Ég hræri saman majónesi og sýrðum rjóma (eða þeyttum rjóma) og krydda með smá aromati og sítrónupipar. Bæti rækjum og harðsoðum eggjum við. Ef ég á ekki nógu mikið af eggjum drýgi ég með smá af soðnum makkarónum. Ef salatið verður of þykkt, blanda ég smá rjóma við.

Hlutföllin eru um 3-400 gr majónes, 1-200 ml sýrður rjómi, 6-7 harðsoðin egg og um 400 gr rækjur, en annars set ég þetta saman svona eftir tilfinningunni.

Bananarjómaterta

.

BORGARNESBRAUÐTERTUR

— TEDDÓ OG OLGEIR Í BORGARNESI —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.