Gúddý og Krissi bjóða til stórveislu. Heiðurshjónin Kristján og Guðrún Hulda, betur þekkt meðal vina sinna sem Krissi og Gúddý, héldu ægifína veislu á dögunum. Hún sá um forréttinn og eftirréttinn og hann sá um að grilla. Þau hjónin voru í Toskana á Ítalíu á síðasta ári og fóru í eftirminnilega vínsmökkunarferð, þar kipptu þau með sér borðvíninu sem drukkið var með herlegheitunum.
#2017Gestabloggari27/52 — LAMBAKJÖT — MARENGS —
Sumarlegur fordrykkur
1 hluti Pecahtree (ferskjulíkjör)
1 hluti vodka
1 hluti hreinn appelsínusafi
1 hluti Sprite zero
Allt hrist saman í glas og fyllt upp með klaka, sítrónu og appelsínusneiðum.
Rækjuspjót frá fiskbúðinni Hafinu
Steikt á pönnu upp úr miklum hvítlauk og smjöri, í um það bil 3-4 mín á hvorri hlið.
Borið fram með ristuðu brauði, sítrónubát og chillimajónesi frá Hafinu.
Grillaðar lambalundir
Lambalundir kryddaðar með lamba-villikryddi frá Kjöthöllinni og olífuolíu, látið liggja í þessu í 4.tíma. Grillað á útigrilli í 5-7 mín á hvorri hlið, gott að láta kjötið standa í 5 mín á eftir.
Sumarsalat
1 poki klettasalat
1 poki blandað salat
kirsuberjatómatar
agúrka
gul paprika
jarðaber
ristuð fræ (salatblanda)
Öllu blandað saman og fetaostur í olíu settur yfir í lokin.
Dressing á salat
1 hluti olífuolía
1 hluti sítrónuolía
Smáskvetta af sesamolíu
Dijon sinnep
Safi úr hálfri sítrónu
Allt hrist vel saman og borið fram með salatinu.
Rósmarín kartöflur
Forsoðnum kartöflum (sigtið vatnið af þeim) er velt upp úr miklu smjöri á pönnu og kryddað með rósmarín.
Hvítlaukssósa með kryddjurtum
3 hlutar sýrður rjómi
1 hluti majónes
½ hvítlaukur
Graslauki og tímian úr garðinum, ásamt salti, piparog kóriander blandað við, og allt hrært vel saman og látið standa í a.m.k 5 klst.
Berjamarens
4 eggjahvítur og 2 bollar púðursykur, hrært mjög vel saman.
Mótið litla botna á bökunarplötu, úr þessu koma u.þ.b 12 stk. og bakið í 25 mín. við 170°C – slökkvið þá á ofninum og látið marengsinn kólna í ofninum.
Á hvern marens fer saltkarmellusósa frá Kjörís í botninn þeyttur rjómi þar ofan á. Og svo fullt af berjum, jarðarber, hindber, bláber og brómber sett ofan á rjómann. Í lokin er skreytt með karmellukurli, saltkarmellusósunni og örfáum þunnt skornum Lion bar súkkulaðisneiðum.
.
— STÓRVEISLA GÚDDÝAR OG KRISSA —
.
