Páskatertan 2018 – appelsínuterta með smjörkremi. Páskatertan í ár er mjúk og bragðgóð terta með appelsínusafa, appelsínuberki og Grand Marnier. Tertan minnir okkur líka á að sumarið er handan við hornið. Fersk terta með fallega gulu kremi.
— PÁSKATERTUR — PÁSKAR — TERTUR — DÖÐLUTERTUR –
Páskatertan 2018 – appelsínuterta með smjörkremi
250 g mjúkt smjör
250 g sykur
4 egg
250 g hveiti
1 1/2 tsk lyftiduft
Þeytið smjör og sykur vel saman. Bætið við eggjunum, einu í einu og þeytið vel saman. Hrærið hveiti og lyftiduft saman við.
Bakið í tertuformi í 20-30 mín. eftir stærð formsins við 175°C. Hvolfið tertunni á tertudisk.
Börkur og safi úr 1/2 appelsínu
2-3 msk hunang eða sykur
3 msk Grand Marnier
smá salt.
Hitið appelsínubörk og safa með sykrinum í potti og bætið Grand út í, áður en hellt er yfir kökuna meðan hún er enn heit.
Krem
300 g mjúkt smjör
1 b flórsykur
1 dl rjómi
1/2 tsk salt
1 msk hunang
gulur matarlitur
Þeytið vel saman og og setjið á tertuna.
.
— PÁSKATERTURNAR Á ALBERT ELDAR —
— APPELSÍNUTERTA MEÐ SMJÖRKREMI —
.
