FÓTAOSTUR

Kindafætur eru sviðnar yfir eldsglæðum, þangað til öll loðnan er sviðnuð, skinnið má aldrei brenna. Fæturnir eru svo þvegnir og skafnir úr mörgum vötnum þangað til þeir eru vel hreinir; þá eru þeir soðnir í svo miklu vatni með ögn af salti og það aðeins fljóti yfir, og fæturnir soðnir þangað til beinin eru laus. Fæturnir eru teknir upp úr og öll beinin kreist úr á meðan verið er að hnoða ostinn, og soðinu, sem fyrst er síað, smáhellt saman við. Í ostinn er gott að láta ögn af steyttu allrahanda, pipar, negul og salti eptir smekk. Osturinn er hnoðaður þangað til hann er val samfelldur, þá er hann látinn í blautan klút og presaður þangað til næsta dag. Þá er osturinn skorinn í sundur og súrsaður. Borðaður með málamat.

-Matreiðslubók fyrir fátæka og ríka eptir Jóninnu Sigurðardóttur – 1916

🇮🇸