Ekta Vínarkálfasnitzel
Rannveig Fríða Bragadóttir óperusöngkona býr og starfar í Vínarborg. Í FJÖLSKYLDUVEISLU buðu þau hjónin upp á ekta vínarsnitsel.
— RANNVEIG FRÍÐA — SNITSEL — AUSTURRÍKI — KJÖT —
.
Ekta Vínarkálfasnitzel
Á mann er reiknað með 150-180 gr. af kjöt, vöðvi úr læri (schale). Við kaupum heilt stykki og sneiðum það í þunnar sneiðar, max. 1 cm, það er síðan barið vel. Maður getur annað hvort saltað kjötið strax og nuddað smá eða saltað eggið. Hverju stykki er velt upp úr hveiti, síðan þeyttu eggi og síðast úr góðu raspi. Best er virkilega fínt brauðrasp. Schnitzelin eru steikt fljótandi í jurtaolíu eða jurtafeiti sem hentar til djúpsteikingar, í Austurríki notar maður stundum nýja svínatólg. Mikilvægt er að láta feitina drjúpa vel af eftir steikingu. Hér segir maður um velheppnað schnitzel (sem er reyndar líka hægt að gera úr svína- eða kjúklingakjöti) að ef það er rétt steikt þá geti maður sest á það í sunnudagabuxunum án þess að það komi blettur í buxurnar. Afgang af Schnitzel er upplagt að boða kalt með góðu brauði.
— SNITSEL — AUSTURRÍKI — KJÖT —
.
.
— RANNVEIG FRÍÐA — SNITSEL — AUSTURRÍKI — KJÖT —
.
