Á vegum Heimsferða fór þessi föngulegi hópur í sælkeraferð til Lissabon og borðaði á sig gat á hverjum degi enda maturinn alveg einstaklega bragðgóður. Lissabon er með fallegri borgum, þar eru víða þröngar götur og iðandi mannlíf. Þá gætir mataráhrifa víða að frá fyrrum nýlendum þeirra.
Milli undurgóðra rétta á Four Seasons veitingastaðnum á Ritz hótelinu fórum við í leiki og hlógum hátt
Pastel de nata er lítil smjördeigsskál með eggjavanillubúðingi. Það er eiginlega ekki hægt að fara til Lissabon nema fá sér einu sinni á dag Pastel de nata ef ekki tvisvar. Oftar en ekki er á afgreiðsluborðinu staukur með kanil og annar með flórsykri. Hefðin er að strá öðru hvoru yfir, eða hvorutveggja.
Köld tómatsúpa
Stærsta mathöllin í Lissabon heitir TimeOut Market, þar kennir ýmissa grasa og vel þess virði að gefa sér góðan tíma til að skoða, smakka og kaupa góðgæti.
Bolinhos de Bachalhau. Víða á götum úti má fá djúpsteiktar saltfiskbollur sem kallaðar eru Bolinhos de Bachalhau, þær eru samt ílangar. Þær eru gerðar úr soðnum saltfiski, soðnum kartöflum, lauk, hvítlauk, eggjum og steinselju.
