Gjörið þið svo vel, maturinn er til!
Það er eitthvað svo fallegt við þessi einföldu orð:
„Gjörið þið svo vel – maturinn er til.“
Þau fela í sér gestrisni, hlýju og gleði. Það er ekki bara verið að bjóða fólki að borða – heldur að setjast niður, njóta og eiga góða stund saman.
Ég hef alltaf haft gaman af því að taka á móti gestum. Það þarf ekki að vera flókið eða stórt – stundum er einfaldur réttur og vel dekkað borð meira en nóg. Það sem skiptir máli er andrúmsloftið.
Að bjóða í mat er nefnilega meira en að elda.
Það er að skapa stemningu.
Kannski kveikja á kertum.
Leggja fallegt á borð.
Hafa eitthvað gott í glösunum.
Og síðast en ekki síst – taka vel á móti fólkinu sem kemur.
Við gleymum því stundum í amstri dagsins hversu mikilvægt það er að setjast niður saman og njóta. Ekki bara matarins, heldur samverunnar.
Svo næst þegar þú býður í mat – hvort sem það er stór veisla eða einfalt kvöld – segðu það af alvöru:
Gjörið þið svo vel – maturinn er til.
🍴
— BORÐSIÐIR OG KURTEISI — MATARBOÐ —
🍴