Hafrakökur Önnu
Í Hruna á Fáskrúðsfirði er athvarf frú Önnu, umvafin gömlum húsgögnum og nýtísku saumavél eru gardínur styttar og lappað uppá slitnar buxur.
Anna Ólafsdóttir heitir konan, rúmlega fertug í dag, var lokkuð í fjörðin fagra fyrir 15.árum.
Ef þið sláið upp nafninu hennar á já.is þá kemur starfsheiti sem er að verða sjaldgæfara en söðlasmiður.
„Húsmóðir, það er það sem ég er fyrst og fremst og ég elska það.
Baka, elda, sauma, þrífa, stundum held ég að ég hafi fæðst á vitlausri öld.
Hafrakökurnar sem ég gef ykkur uppskrift af eru dásamlega góðar með ískaldri mjólk, þær geymast vel í lokuðu íláti. En þær ná því nú sjaldnast heima hjá mér.” segir Anna, frú Anna.
— ANNA ÓLAFS — FÁSKRÚÐSFJÖRÐUR — HAFRAKEX —
.
Hafrakökur Önnu
200 g smjör við stofuhita
2 dl púðursykur
3 egg
2 tsk vanilla
1 bolli hveiti
1 bolli heilhveiti
1 tsk lyftiduft
1 tsk matarsóti
1 tsk sjávarsalt (mulið)
2 dl haframjöl fínt
2 dl haframjöl gróft
200 g suðusúkkulaði
Pískið saman smjöri og púðursykri þar til það verður létt og ljóst,
Bætið einu eggi útí í einu þeytið á milli þá er komið að því að bæta öllum þurrefnunum samanvið og
Blandið með “K” inu á hrærivélinni, brytjið suðusúkkulaðið og blandið saman við í lokin.
Takið deigið með matskeið og mótiðflata kúlu, uppskriftin passar á tvær plötur ca 24.kökur, en það fer auðvita eftir því hversu stórar eða litlar kökurnar eru gerðar.
Bakist á 180°C í 12 mín, dásamlegar með kaldri mjólk og geymast vel í lokuðu íláti en þær ná því nú sjaldnast heima hjá mér.
.
— ANNA ÓLAFS — FÁSKRÚÐSFJÖRÐUR — HAFRAKEX —
.
