Sumarhús – Hestasport í Varmahlíð. Þegar fleiri ferðast saman er oft gott að velja áningarstaði með góðum fyrirvara, bústaðaþyrpingu eða tjaldstæði. Fjölskyldan mín hittist um helgina og gaman að segja frá því að ungu stúlkurnar sem skipuðu undirbúningsnefnd stóðu sig afar vel. Í Varmahlíð í Skagafirði fengum við bústaði hjá Hestasporti. Þar rétt hjá rekur sveitarfélagið tjaldsvæði sem er í misstórum básum sem eru afmarkaðir með trjábeltum, skjólgott og með góðri aðstöðu.
Við hliðina á bústöðunum og milli þeirra er steinhlaðinn heitur pottur sem við notuðum mikið. Bústaðurinn okkar var vel búinn, gott net, svefnloft – allt snyrtilegt og til fyrirmyndar. Við ætlum að fara þangað aftur og þá í útreiðatúr.
— HESTASPORT — VARMAHLÍÐ — TJALDA.IS — SKAGAFJÖRÐUR -— GRÁNA BISTRÓ — DRANGEY — SOTI LODGE – FERÐAST UM ÍSLAND —
