Ostakaka Guðveigar
Í fjölmörg ár hefur þessi mjúka bragðgóða ostakaka fylgt Guðveigu Hrólfsdóttur og uppskriftin gefin víða.
Fyrir fjórum áratugum tengdi FB (Fjölbraut í Breiðholti) okkur Guðveigu saman, seinna var það FB (fasbókin). Alveg jafn gaman að hitta hana og fyrir fjörtíu árum, við rifjuðum upp ýmislegt og höfum bæði notað mikið bókina Við matreiðum. Bryndís Steinþórsdóttir, annar höfundur bókarinnar kenndi okkur.
🍓
— OSTAKÖKUR — FASBÓK — VIÐ MATREIÐUM — FJÖLBRAUT Í BREIÐHOLTI — UPPSKRIFTIN Á ENSKU —
🍓
Ostakaka Guðveigar
300 g muldar makkarónur
150 g brætt smjörlíki
Blandað saman og þrýst í from.
300 g rjómaostur
150 g flórsykur
1/2 l rjómi – þeyttur
Hrærið saman rjómaosti og flórsykri, bætið þeytta rjómanum saman við.
Setjið yfir kökuna í forminu og frystið.
Krem:
200 g brætt súkkulaði
1 ds sýrður rjómi.
Blandið saman og setjið á rjómahræruna.
Frystið aftur.
Látið tertuna standa í um 2 klst áður en hún er borðuð.
Skreytið með ferskum ávöxtum.
.
— OSTAKÖKUR — FASBÓK — VIÐ MATREIÐUM — UPPSKRIFTIN Á ENSKU —
🍓