Skinkuhorn
Hver elskar ekki nýbökuð skinkuhorn? Bergþór minn gróf upp gamla uppskrift og dúkkaði upp með skinkuhorn á kennarafundi – þau vöktu lukku, mikla lukku.
— BRAUÐ — BAKSTUR — KAFFIMEÐLÆTI — KLÚBBARÉTTIR — HORN — BERGÞÓR —
.
Skinkuhorn
Deig:
300 ml mjólk
2 tsk þurrger
1 msk sykur
500 g hveiti
1 tsk salt
1 dl olía
Hellið ylvolgri mjólk (um 40°C) í skál hrærivélar. Hrærið þurrgeri og sykri saman við og látið standa í örfáar mínútur, þar til gerið fer að freyða. Blandið hveiti og salti saman og bætið út í mjólkurblönduna. Hrærið saman, bætið síðan olíunni út í og hnoðið rólega í nokkrar mínútur, eða þar til deigið er slétt og jafnt.
Takið deigið upp úr skálinni og hnoðið það lauslega á hveitistráðu borði, bætið hveiti við smám saman þar til deigið festist ekki við hendur, en er þó áfram mjúkt og teygjanlegt. Setjið aftur í skálina, breiðið þurrkustykki yfir og látið hefast í um 2 klukkustundir.
Fylling
200 g skinka
200 g skinkumyrja eða beikonsmurostur
Skerið skinkuna í litla ferninga og blandið saman við smurostinn.
Samsetning og bakstur
Þegar deigið hefur hefast, skiptið því í tvær kúlur. Fletjið hvoru deigi út í hring á hveitistráðu borði og skerið hvern hring í 16 þríhyrninga, líkt og pizzu.
Setjið rúma teskeið af fyllingu á breiða enda hvers þríhyrnings og rúllið upp að mjóa endanum. Leggið skinkuhornin á ofnplötu með bökunarpappír, með mjóa endann niður, og klípið vel til hliðanna svo fyllingin leki ekki út við bakstur.
Penslið með mjólk og bakið við 200°C í 9–10 mínútur, eða þar til hornin eru fallega gullin. Einnig má pensla með eggi og/eða strá rifnum osti yfir fyrir enn ríkara bragð.
— BRAUÐ — BAKSTUR — KAFFIMEÐLÆTI — KLÚBBARÉTTIR — HORN — BERGÞÓR —
.