Auglýsing

Ofnbakaður lax með Mangó chutney og pistasíum. Lax er feitur, hollur og góður. Í staðinn fyrir að baka laxinn í ofni má setja hann á grillið. Það er vel þess virði að útbúa mangó chutney, það er mun bragðmeira en það sem fæst í búðum.

Ofnbakaður lax með Mangó chutney og pistasíum.

1 flak af laxi

1 b Mangó chutney

1-2 dl pistasíuhnetur.

Setjið álpappír í ofnskúffu og laxinn ofan á. Brjótið álpappírinn upp að flakinu svo mangó chutneyið renni ekki út um allt. Hellið Mangó Chutney yfir og dreifið pistasíunum yfir. Bakið í ofni við 170°C í um 20 mín. Tíminn fer bæði eftir ofnum og þykkt flaksins.

Mangó chutney

1 laukur

2-3 msk góð matarolía

1 vel þroskað stórt mangó

1 tsk kanill

1 tsk cumin

1 tsk kóriander

1/2 tsk kardimommur

1/3 tsk múskat

1 msk rifið engifer

chili

1 hvítlauksrif

1/2 b sykur

1/3 b edik

1/2 b vatn

1 tsk salt

Skerið laukinn og léttsteikið í olíunni. Skerið mangóið frekar smátt, bætið útí ásamt kryddinu, edikinu og vatninu. Látið sjóða í 30-40 mín. Látið kólna aðeins, setjið þá í glerkrukkur og lokið strax. Geymið í ísskáp.

Auglýsing