Skinkuhorn

Skinkuhorn bakstur klúbbaréttir skinka horn bergþór pálsson
Hver elskar ekki nýbökuð skinkuhorn?

Skinkuhorn

Hver elskar ekki nýbökuð skinkuhorn? Bergþór minn gróf upp gamla uppskrift og dúkkaði upp með skinkuhorn á kennarafundi – þau vöktu lukku, mikla lukku.

BRAUÐBAKSTURKAFFIMEÐLÆTIKLÚBBARÉTTIRHORNBERGÞÓR

.

Skinkuhorn

Deig:
300 ml mjólk
2 tsk þurrger
1 msk sykur
500 g hveiti
1 tsk salt
1 dl olía

Hellið ylvolgri mjólk (40°C) í hrærivélarskál og hrærið þurrger og sykur saman við. Blandið saman hveiti og salti og hrærið saman við mjólkurblönduna, þegar gerið er byrjað að freyða. Bætið olíunni út í og hrærið rólega saman í nokkrar mínútur eða þar til deigið er jafnt. Nú er gott að taka deigið upp úr og hnoða upp í hveiti, lítið í einu, þar til það festist ekki við hendur, en er þó ekki þurrt. Látið hefast í skálinni í 2 klst.

Fylling:
200 g skinka
200 g skinkumyrja eða beikonsmurostur

Skerið skinku í litla ferninga og blandið saman við smurostinn.

Þegar deigið hefur hefast, skiptið því í tvær kúlur og fletjið út í hring á hveitistráðu borði. Skerið eins og pizzu í 16 þríhyrninga.

Setjið rúma teskeið af fyllingu á breiða enda þríhyrningsins og rúllið upp þaðan inn að mjóa endanum.

Leggið á ofnplötu með bökunarpappír, með mjóa endann niður og klípið vel saman til hliðar, svo að fyllingin sullist ekki út í bakstrinum.

Penslið með mjólk og bakið í 9-10 mín. við 200°C. Einnig má pensla með eggi og/eða rifnum osti.

BRAUÐBAKSTURKAFFIMEÐLÆTIKLÚBBARÉTTIRHORNBERGÞÓR

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.