Lifrarbuff frá Eskifirði

Lifrarbuff frá Eskifirði

Þessi uppskrift birtist í DV í maí árið 1987. Blaðamenn neytendasíðu blaðsins hafa greinilega óskað eftir auðveldum, ódýrum og jafnframt næringarríkum hvunndagsuppskriftum í dálki sem kallaður er Uppskriftaþeysa DV. Sólveig systir mín sendi inn þessa líka fínu uppskrift. Í textanum kemur fram að hráefnið kosti innan við 100 kr. og dugi vel í tvær máltíðir fyrir hjón með eitt barn. Ástæðan fyrir því að uppskriftin birtist hér er að frænka mín hringdi og sagði mér að þessi uppskrift hafi fylgt þeim hjónum alla þeirra búskapartíð. Nú eru hins vegar góð ráð dýr því hún finnur hvergi uppskriftina – hún var þess fullviss að hún væri til hér á bæ….

— LIFUR — ESKIFJÖRÐUR — SÓLVEIG — FJÖLNIR —

.

Lifrarbuff frá Eskifirði

450 g lifur, hreinsuð og í bitum

250-300 g soðnar kartöflur, brytjaðar

1 laukur

1 dl heilhveiti

1/4 tsk pipar

1/2 tsk salt

1/4 tsk paprikuduft

1/4 tsk karrí

1/4 tsk hvítlauksduft

Hakkið saman lifur, kartöflur og lauk (eða setjið í matvinnsluvél). Hrærið saman við heilhveiti og kryddi.

Blandið öllu saman og látið standa í um 30 mín. Steikið í olíu á pönnu.

.

— LIFUR — ESKIFJÖRÐUR — SÓLVEIG — FJÖLNIR —

— LIFRARBUFF FRÁ ESKIFIRÐI —

.