Baccalá að hætti Ítala “Alla Livornese”
Það sem saltfiskur er mikið lostæti. Matís og íslenskir saltfiskframleiðendur hafa snúið bökum saman til að auka saltfiskneyslu okkar. Við Miðjarðarhafið, og víðar, er íslenskur saltfiskur í hávegum hafður og víða hátíðamatur. Góður saltfiskur er herramannsmatur. Með því að SMELLA HÉR má sjá fleiri saltfiskuppskriftir.
— ÍTALÍA — SALTFISKUR —
.
Baccalá að hætti Ítala “Alla Livornese”
800 gr útvatnaður saltfiskur
Hveiti til velta fiskinum upp úr
Ólífuolía til að steikingar
2 msk ólífuolía
2 hvítlauksrif
1 lítið chili, fræhreinsað
400 gr saxaðir tómatar úr dós
200 gr svartar olífur
1 msk kapers
2 stk lárviðarlauf
(salt og) pipar
Skerðið saltfiskinn í hæfilega bita og þerrið vel á pappír.
Veltið fiskinum upp úr hveiti og steikið á heitri pönnu í mikilli olíu á báðum hliðum þar til fiskurinn er orðin fallega brúnn.
Á meðan saxið hvítlauk chili og setjið til hliðar.
Setjið víðan pott yfir miðlungs hita og hellið ólífuolíu í botninn svo hún hylji.
Setjið saxaða hvítlaukinn og chili út í og hrærið í öðru hvoru. Þegar laukurinn er lítillega farinn að fá á sig brúna tóna bætið þá tómötum, olífum, kapers og lárviðarlaufi saman við og látið krauma í u.þ.b. 10 mín.
Raðið saltfiskinum í pottinn og ausið sósunni yfir, setjið lok á pottinn og látið standa í 10-15 mínútur á mjög lágum hita eða þar til saltfiskurinn er eldaður í gegn.
Réttinn má bera fram ýmist heitan eða kaldann.
— ÍTALÍA — SALTFISKUR —
.
