Besta kartöflusalatið

Besta kartöflusalatið

Kartöflusalöt standa alltaf fyrir sínu – þau eru einföld, bragðgóð og passa við ótal rétti. Ég smakkaði þetta salat í veislu um daginn og varð strax heillaður af ferskleikanum. Sæt epli, stökkar súrar gúrkur og rauðlaukur gefa því gott jafnvægi, og ferskt dill setur punktinn yfir i-ið.
Dressingin er létt og bragðgóð, þar sem sýrður rjómi og mæjónes blandast saman við smá sinnep og edik, sem gefur salatinu frísklegt yfirbragð.
Kartöflusalat passar fullkomlega með grillmat, reyktum fiski eða sem hluti af hlaðborði. Það er líka frábært með pylsum og hamborgurum – klassískt sumarsalat sem klikkar aldrei!
Láttu það bíða í ísskáp í smá stund áður en þú borðar það – þá verða bragðin enn betri. 😋

✨ 👨‍🍳 ✨

— KARTÖFLUSALÖT — KARTÖFLUR — SALÖT — MEÐLÆTI —

👨‍🍳 ✨

Besta kartöflusalatið

Hráefni:

• 1 kg kartöflur
• 2 epli, skorin í litla bita
• 1 lítill rauðlaukur, fínsaxaður
• 4 súrar gúrkur, skornar í litla bita
• 1 dl sýrður rjómi
• 1 dl mæjónes
• ½ -1 dl þeyttur rjómi
• 1 tsk Dijon-sinnep
• 1 msk edik eða hvítvínsedik
• Salt og pipar eftir smekk
• 1 lúka ferskt dill, saxað

Aðferð:

1. Sjóðið kartöflurnar með hýðinu þar til þær eru meyrar. Kælið, afhýðið og skerið í bita.
2. Blandið kartöflunum saman við epli, rauðlauk og súrar gúrkur í stóra skál.
3. Í lítilli skál hrærið saman sýrðan rjóma, mæjónes, þeyttan rjóma, sinnep og edik. Smakkið til með salti og pipar.
4. Hellið dressingunni yfir salatið og blandið varlega saman.
5. Stráið fersku dilli yfir og látið standa í ísskáp í a.m.k. klukkustund áður en borið er fram.

Þetta salat er frábært með grillmat, reyktum fiski eða á hlaðborð. Njótið! 😋

👨‍🍳✨

— KARTÖFLUSALÖT — KARTÖFLUR — SALÖT — MEÐLÆTI —

✨ 👨‍🍳 ✨