Grillmarkaðurinn hefur fyrir löngu skapað sér sess sem spennandi kostur fyrir sælkera, enda streymdi fólk að allan tímann sem vorum þar. Það er samt enginn erill og einstaklega ljúft að vera í umsjá hennar Kristínar sem gekk um beina af mikilli alúð.
Umhverfið er líka svo hlýlegt, verið að grilla inni í miðjum salnum uppi og svo er hönnunin bara mjög falleg. Og maturinn auðvitað fyrsta flokks. Í þetta sinn fórum við í 8 rétta smakkseðilinn. Það er ansi vel útilátið, en gaman að prófa svo marga rétti.
Allt var þetta bragðgott og fallega framborið, EN þessi lambakóróna, eruð þið ekki að grínast, hvílík mýkt og bragðgæði! Það munaði hársbreidd að ég bæði um ábót 😉
Við byrjuðum á að fá okkur ferska og óáfenga koktaila, Fresh fizz, Green apple breeze og Passion fruit mojito.Áður en að sjálfu smakkferðalaginu kom, fengum við litlar canapés, chili lime og stökk og vel krydduð stykki.Léttreykt fjallableikja – með stökkum rúgbrauðsmulningi, sýrðum fennel og dill-sinneps sósu – rosalega góðNauta tataki – epli, kóríander, stökkir jarðskokkar og miso dressing – áhugaverð samsetningGrilluð hvalasteik, lauk-soja dressing, chili og lime – extra mjúk steik og mjög góð dressing4. Humar hraunmolar – bjórdeig, eldpipar, majónes, ristaður hvítlaukur, wakame salatLéttsaltaður þorskur – niðurskorin epli, grillað eplamauk, humarsalat, svartur hvítlaukur, skelfissósaRibeye með beinmerg og sósu. Góð samsetning.Lambakóróna, kótiletta, stökkar kartöflur, kryddaður hnetumulningur, gljáðar gulrætur, piklaður laukur. Þetta var alveg út úr korti fínn réttur, lungamjúkt og bragðið fullkomið.Ástarpungar, sólberja og sítrónu sorbet, súkkulaðikaka, passion fruit og ýmsir ávextir, kúla með mascarpone á botninum, espresso ís og karamellusósu og svo súkkulaðisósu hellt yfir. Rugl gott.LambakórónanÞað er smart á GrillmarkaðnumEyjólfur myndarBergþór, Eyjólfur og Albert fyrir framan Grillmarkaðinn
Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.
Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.
Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.
