Tékklisti fyrir utanlandsferðir

 

Tékklisti fyrir utanlandsferðir Tékklisti, utanlandsferðir, ferðalag, elín pálmadóttir útlönd, ferðast einn
Bergþór og Albert í Lissabon

Tékklisti fyrir utanlandsferðir.

Við bregðum stundum undir okkur betri fætinum og höldum til útlanda. Reynslan hefur kennt okkur að útbúa gátlista fyrir utanlandsferðirnar. Þetta er ótrúlega þægilegt og minnkar allt stress til muna, stressið sem myndast oft á síðustu stundu. Listinn saman stendur af grunnatriðum en ekki hvort eigi að taka með fern sokkapör eða síðermaskyrtu. Áfangastaður, veðurspá og lengd ferðalagsins ræður mestu um hvað fer í töskuna af fatnaði. Tékklistinn er svo uppfærður reglulega, helst í hverri ferð því það er segin saga að ýmislegt vill gleymast þegar heim er komið.

Á listanum stendur meðal annars: vegabréfin, flugvélanesti(þar eru nokkrar hugmyndir), tóm flaska fyrir vatn, afþreying í vélinni (10 hugmyndir), sólgleraugu, hleðslutæki, evrur/peningar og húslyklar.

Tékklisti fyrir utanlandsferðir

Elín vinkona mín Pálmadóttir tók saman tékklista fyrir utanlandsferð sem hún og vinkonur hennar fóru í árið 1955*. Hann er mun ítarlegri en okkar list. Þetta tóku þær með sér:

Nælonnærföt, sex pör af nælonsokkum, nælonnáttkjóll. Dragt, frakki, 2 peysur, stutterma og langerma, nælonblússa, léreftskjóll, fínn sumarkjóll sem ekki krumpast og hægt er að þvo, og hattur sem má brjóta saman og nota bæði í kirkju og koktelboð. Sandalar, götuskór og háhælaðir skór, rúmgott veski og hanskar í lit, sem fer vel við allan annan klæðnað. Slæða, regnhlíf og höfuðklútur. Eyrnalokkar og hálsfesti. Handklæði, þvottapoki, krem, hárbursti, tannbursti, önnur snyrtitæki. Skyndiplástur, nál, tvinni, öryggisnælur, sápa, herðatré til að þurrka nælonblússuna á, skóáburður skóbursti og fatabursti. Sundbolur og strandföt. Létt strigataska, vegabréf, ferðatékkar og erlend smámynt fyrir strætisvagninn frá flugvellinum.

*listinn birtist í Morgunblaðinu

MATARBORGIRFERÐALÖG —  ELÍN PÁLMADÓTTIR

— TÉKKLISTI FYRIR UTANLANDSFERÐIR —

.

Auglýsing

Meira úr sama flokki

Gott að narta í….

Það er alveg gráupplagt að hafa hnetur, fræ, þurrkaða ávexti, kókosflögur og gott dökkt súkkulaði í skál til að narta í. Til dæmis hentar þetta einstaklega vel til að koma í veg í sykurfall...

Hollenskt jólabrauð (Kerststollen)

Hollenskt jólabrauð (Kerststollen). Soffía Vagnsdóttir setti inn mynd á fasbókina af girnilegu hollensku jólabrauði sem eiginmaður hennar bakaði. Ljúflega tóku þau hjónin í að deila uppskriftinni „Þær eru margar gómsætu uppskriftirnar sem hann Roland minn hefur fært inn í okkar tæplega 30 ára búskap. Reyndar er hann svo góður matreiðslumeistari að ég hef fundið mig knúna til að hverfa að verulegu leyti úr eldhúsinu nema til að vaska upp og taka til eftir matinn. Ég gæti aldrei toppað það sem hann getur galdrað og oft úr engu, svei mér þá. Hann er með þetta í puttunum, veit hvaða hráefni passar með hverju, þekkir skammtana (jafnvel þó Íslendingar þurfi miklu stærri skammta en aðrar þjóðir☺) og kann að bera fallega fram.