Ó Grýla
Grýla heitir grettin mær, í gömlum helli býr,
hún unir sér í sveitinni við sínar ær og kýr.
Hún þekkir ekki glaum og glys né götulífsins spé
og næstum eins og nunna er, þótt níuhundruð ára sé.
Ó Grýla, ó Grýla, ó Grýla í gamla hellinum.
Hún sinnir engu öðru nema elda nótt og dag,
og hirðir þar um hyski sitt með hreinum myndarbrag.
Af alls kyns mat og öðru slíku eldar hún þar fjöll.
oní 13 jólasveina og 80 tröll.
Ó Grýla, ó Grýla, Ó Grýla í gamla hellinum.
Hún Grýla er mikill mathákur og myndi undra þig.
Með malarskóflu mokar alltaf matnum upp í sig.
Og ef hún greiðir á sér hárið, er það mesta basl,
því það er reitt og rifið eins og ryðgað víradrasl.
Ó Grýla, ó Grýla, ó Grýla í gamla hellinum.
Og hjá þeim Grýlu og Leppalúða ei linnir kífinu,
þótt hann Grýlu elski alveg út úr lífinu.
Hann eltir hana eins og flón, þótt ekki sé hún fríð.
Í sæluvímu sama lagið syngur alla tíð:
(Ómar Ragnarsson)
🎄
Adam átti syni sjö
Adam átti syni sjö
sjö syni átti Adam
Adam elskaði alla þá
og allir elskuðu Adam
Hann sáði, hann sáði
hann klappaði saman lófunum
hann ruggaði sér í lendunum
hann stappaði niður fótunum
og sneri sér í hring.
🎄
Hin fyrstu jól
Það dimmir og hljóðnar í Davíðsborg
í dvala sig strætin þagga
í bæn hlýtur svölun brotleg sál
frá brunni himneskra dagga
öll jörðin er sveipuð jólasnjó
og jatan er ungbarnsvagga.
Og stjarna skín gegn um skýjahjúp
með skærum lýsandi bjarma
og inn í fjárhúsið birtan berst
og barnið réttir út arma
en móðirin sælasti svanni heims
hún sefur með bros um hvarma
Og hjarðmaður birtist um húsið allt
ber höfga reykelsisangan
í huga flytur hann himni þökk
og hjalar við reifastrangann
svo gerir hann krossmark, krýpur fram
og kyssir barnið á vangann.
(Kristján frá Djúpalæk)
🎄
Það á að gefa börnum brauð
Það á að gefa börnum brauð
að bíta í á jólunum
kertaljós og klæðin rauð
svo komist þau úr bólunum.
Væna flís af feitum sauð
sem fjalla gekk af hólunum.
Nú er hún gamla Grýla dauð
gafst hún upp á rólunum.
🎄
Skreytum hús með greinum grænum
Skreytum hús með greinum grænum,
tra la la la la la la la la.
Gleði ríkja skal í bænum,
tra la la la la la la la la.
Tendrum senn á trénu bjarta,
tra la la la la la la la la.
Tendrum jól í hverju hjarta
tra la la la la la la la la.
Ungir, gamlir – allir syngja:
Tra la la la la la la la la.
Engar sorgir hugann þyngja,
tra la la la la la la la la.
Jólabjöllur blíðar kalla,
tra la la la la la la la la.
boða frið um veröld alla,
tra la la la la la la la la!
(Elsa E. Guðjónsson)
🎄
Nú skal segja
Nú skal segja, nú skal segja
hvernig litlar telpur gera:
Vagga brúðu, vagga brúðu
-og svo snúa þær sér í hring.
litlir drengir: Sparka bolta
ungar stúlkur: Þær sig hneigja,
ungir piltar: Taka ofan
gamlar konur: Prjóna sokka
gamlir karlar: Taka í nefið
AAAtsjúú!!!
Gekk ég yfir sjó og land
Gekk ég yfir sjó og land
og hitti þar einn gamlan mann,
spurði hann og sagði svo:
Hvar áttu heima?
Ég á heima á Klapplandi, Klapplandi, Klapplandi.
Ég á heima á Klapplandi, Klapplandinu góða.
Ég á heima á Stapplandi, Stapplandi,
Ég á heima á Grátlandi, Grátlandi,
Ég á heima á Hlælandi, Hlælandi,
Ég á heima á Hvísllandi, Hvísllandi,
Ég á heima á Íslandi, Íslandi,
ég á heima á Íslandi, Íslandinu góða.
🎄
Ég sá mömmu kyssa jólasvein
Ég sá mömmu kyssa jólasvein,
við jólatréð í stofunni í gær.
Ég læddist létt á tá
til að líta gjafir á,
hún hélt ég væri steinsofandi
Stínu dúkku hjá.
Og ég sá mömmu kitla jólasvein
og jólasveinninn út um skeggið hlær.
Já, sá hefði hlegið með
hann pabbi minn hefð’ann séð
mömmu kyssa jólasvein í gær.
🎄
Jólasveinar ganga um gólf
Jólasveinar ganga um gólf
með gildan staf í hendi
Móðir þeirra sópar golf
og flengir þá með vendi.
Upp á stól stendur mín kanna
níu nóttum fyrir jól þá kem ég til manna.
🎄
Skín í rauðar skotthúfur
Skín í rauðar skotthúfur
skuggalangan daginn,
jólasveinar sækja að
sjást um allan bæinn.
Ljúf í geði leika sér
lítil börn í desember,
inn í frið’ og ró, út´í frost og snjó
því að brátt koma björtu jólin,
bráðum koma jólin.
Uppi á lofti, inni í skáp
eru jólapakkar,
titra öll af tilhlökkun
tindilfættir krakkar.
Komi jólakötturinn
kemst hann ekki´ í bæinn inn,
inn’ í frið og ró, út´ í frost og snjó,
því að brátt koma björtu jólin,
bráðum koma jólin.
Stjörnur tindra stillt og rótt,
stafa geislum björtum.
Norðurljósin loga skær
leika á himni svörtum.
Jólahátíð höldum vér
hýr og glöð í desember
þó að feyki snjó þá í friði og ró
við höldum heilög jólin, heilög blessuð jólin.
🎄
Jólasveinar einn og átta
Jólasveinar einn og átta
ofan koma af fjöllunum
Í fyrrakvöld þeir fóru að hátta
fundu hann Jón á Völlunum.
Andrés stóð þar utan gátta
það átti að færa hann tröllunum.
Þá var hringt í Hólakirkju
öllum jólabjöllunum.
🎄
Bráðum koma blessuð jólin
Bráðum koma blessuð jólin
börnin fara að hlakka til
Allir fá þá eitthvað fallegt
í það minnsta kerti og spil.
Hvað það verður veit nú enginn
vandi er um slíkt að spá.
En eitt er víst að alltaf verður
ákaflega gaman þá.
Máske þú fáir menn úr tini,
máske líka þetta kver.
Við skulum bíða og sjá hvað setur
seinna vitnast hvernig fer.
En ef þú skyldir eignast kverið,
ætlar það að biðja þig
að fletta hægt og fara alltaf
fjarskalega vel með sig.
🎄
Bjart er yfir Betlehem
Bjart er yfir Betlehem
blikar jólastjarna.
Stjarnan mín og stjarnan þín,
stjarna allra barna.
Var hún áður vitringum
vegaljósið skæra.
Barn í jötu borið var,
barnið ljúfa kæra.
Víða höfðu vitringar
vegi kannað hljóðir
fundið sínum ferðum á
fjöldamargar þjóðir.
Barst þeim allt frá Betlehem
birtan undur skæra.
Barn í jötu borið var,
barnið ljúfa kæra.
Barni gjafir báru þeir.
Blítt þá englar sungu.
Lausnaranum lýstu þeir,
lofgjörð drottni sungu.
Bjart er yfir Betlehem
blikar jólastjarna,
Stjarnan mín og stjarnan þín
stjarna allra barna.
🎄
Göngum við í kringum einiberjarunn
Göngum við í kringum einiberjarunn,
einiberjarunn, einiberjarunn.
Göngum við í kringum einiberjarunn,
snemma á mánudagsmorgni.
Svona gerum við er við þvoum okkar þvott,
þvoum okkar þvott, þvoum okkar þvott,
svona gerum við þegar við þvoum okkar þvott,
snemma á mánudagsmorgni.
Vindum okkar þvott – Snemma á þriðjudagsmorgni
Hengjum okkar þvott – Snemma á miðvikudagsmorgni
Teygjum okkar þvott – Snemma á fimmtudagsmorgni
Straujum okkar þvott – Snemma á föstudagsmorgni
Skúrum okkar gólf – Snemma á laugardagsmorgni
Greiðum okkar hár – Snemma á sunnudagsmorgni
🎄
Í skóginum stóð kofi einn,
Í skóginum stóð kofi einn,
sat við gluggan jólasveinn.
Þá kom lítið héraskinn,
sem vildi komast inn.
“Jólasveinn, ég treysti á þig,
veiðimaður skýtur mig!”
“Komdu litla héraskinn,
því ég er vinur þinn.”
Veiðimaður kofann fann
jólsveinninn spurði hann
Hefur þú séð héraskinn
hlaupa um hagann þinn?
Hér er ekkert héraskott,
hafa skaltu þig á brott.
Veiðimaður burtu gekk
og engan héra fékk.
🎄
Hátíð í bæ
Ljósadýrð loftin gyllir
lítið hús yndi fyllir
og hugurinn heimleiðis leitar því æ
man ég þá er hátíð var í bæ.
Ungan dreng ljósin laða
litla snót geislum baðar
Ég man það svo lengi sem lifað ég fæ
lífið þá er hátíð var í bæ.
Hún fékk bók, en hann fékk nál og tvinna,
hönd í hönd þau leiddust kát og rjóð.
Sælli börn mun sjaldgæft vera að finna
ég syng um þau mitt allra besta ljóð.
Söngur dvín, svefninn hvetur,
systkin tvö geta’ ei betur
en sofna hjá mömmu, ég man þetta æ
man ég þá er hátíð var í bæ.
(Ólafur Gaukur)
🎄
Nú hlustum við öll svo hýrleg og sett
Nú hlustum við öll svo hýrleg og sett,
ekki nein köll því áðan barst frétt:
Jólasveinninn kemur í kvöld!
Hann arkar um sveit og arkar í borg
og kynja margt veit um kæti og sorg.
Jólasveinninn kemur í kvöld!
Hann sér þig er þú sefur,
hann sér þig vöku í.
og góðum börnum gefur hann
svo gjafir, veistu’ af því.
Nú hlustum við öll svo hýrleg og sett,
ekki nein köll því áðan barst frétt:
Jólasveinninn kemur í kvöld! – (Hinrik Bjarnason)
🎄
Gefðu mér gott í skóinn
Gefðu mér gott í skóinn
góði jólasveinn í nótt.
Úti þú arkar snjóinn,
inni sef ég vært og rótt.
Góði þú mátt ei gleyma,
glugganum er sef ég hjá.
Dásamlegt er að dreyma
dótið sem ég fæ þér frá.
Góði sveinki gættu að skó
gluggakistunni’ á,
og þú mátt ei arka hjá
án þess að setja neitt í þá.
Gefðu mér eitthvert glingur
góði jólasveinn í nótt.
Meðan þú söngva syngur
sef ég bæði vært og rótt.
Ó, hve skelfing yrði ég kát
ef þú gæfir mér,
eina dúkku, ígulker,
eða bara hvað sem er.
Gefðu mér eitthvert glingur
góði jólasveinn í nótt.
Meðan þú söngva syngur
sef ég bæði vært og rótt.
(Ómar Ragnarsson)
🎄
Þá nýfæddur Jesú í jötunni lá
Þá nýfæddur Jesú í jötunni lá
á jólunum fyrstu var dýrðlegt að sjá,
þá sveimuðu englar frá himninum hans
því hann var nú fæddur í líkingu manns.
Þeir sungu “hallelúja” með hátíðarbrag,
“nú hlotnast guðsbörnum friður í dag”,
og fagnandi hirðarnir fengu að sjá
hvar frelsarinn okkar í jötunni lá.
Ég bið þig, ó Drottinn, að dvelja mér hjá,
að dýrðina þína ég fái að sjá,
ó blessa þú, Jesú, öll börnin þín hér,
að búa þau fái á himnum með þér.
(Björgvin Jörgensson)
🎄
Snjókorn falla
Snjókorn falla á allt og alla,
börnin leika og skemmta sér.
Nú er árstíð kærleika og friðar.
Komið er að jólastund.
Vinir hittast og halda veislur,
borða góðan jólamat.
Gefa gjafir, fagna sigri ljóssins,
syngja saman jólalag.
Á jólaball við höldum í kvöld,
ég ætla að kyssa þig
undir mistiltein í kvöld
við kertaljóssins log.
Plötur hljóma, söngvar óma,
gömlu lögin syngjum hátt.
Bara ef jólin væru aðeins lengri,
en hve gaman væri þá.
🎄
Heims um ból
Heims um ból, helg eru jól,
signuð mær son Guðs ól,
frelsun mannanna, frelsisins lind,
frumglæði ljóssins, en gjörvöll mannkind
:/: meinvill í myrkrunum lá :/:
Heimi í hátíð er ný,
himneskt ljós lýsir ský,
liggur í jötunni lávarður heims,
lifandi brunnur hins andlega seims,
:/: konungur lífs vors og ljóss :/:
Heyra má himnum í frá
englasöng: Allelújá.
Friður á jörðu því faðirinn er
fús þeim að líkna, sem tilreiðir sér
:/: samastað syninum hjá :/:
(Sveinbjörn Egilsson)