Rabarbara- og bláberjapæ. Nú eru bláberin þroskuð og um að gera að nýta þau út í eitt enda fátt hollara. Rabarbarinn er einnig góður og um að gera að nota hann nýupptekinn. Hef alltaf litið á rabarbara sem árstíðabundna afurð og frysti hann ekki.
Hér á bæ var boðið upp á kvöldkaffi 😉
— RABARBARI — EFTIRRÉTTIR— BLÁBER —
Rabarbara- og bláberjapæ
3-4 rabarbaraleggir
2-3 dl bláber
2 dl heilhveiti
2 dl púðursykur
3 1/2 dl tröllahafrar
1/2 tsk salt
2 tsk kanill
100 g lint smjör
1 dl kókosolía (fljótandi)
Skerið rabarbarann niður og setjið í eldfast form, stráið bláberjunum yfir. Setjið smjörið og kókosolíuna í skál, bætið saman við heilhveiti, púðursykur, tröllahöfrum, salti og kani.Blandið vel saman með höndunum og látið yfir rabarbarann og bláberin. Bakið í 35-40 mín við 175° Berið fram nýbakað með ís eða rjóma.
.
.
