![Rabarbarapæ rabarbarpæ, rabbarbarapæ, rabarbari, engifer kanill súkkulaði kókosmjöl fljótlegt, besta gott mjög frábært kaffimeðlæti, Albert Eiríksson, Templarinn, Fáskrúðsfjörður, Franskir dagar rabbabari einfalt mjög gott pai pæ baka kaka terta bakað úr með kaffinu rabarbara kaka kaka með rabarbara einfalt fljótlegt rhubarbcake Tarte à la rhubarbe](https://i0.wp.com/alberteldar.is/wp-content/uploads/2012/04/rabarbarpae.png?resize=463%2C476&ssl=1)
RABARBARAPÆ Alberts
Eitt vinsælasta kaffimeðlæti síðustu ára hefur verið rabarbarapæ, öll árin sem ég rak sumarkaffihús á Fáskrúðsfirði var boðið uppá pæið við miklar vinsældir. Var svo þreyttur á að skrifa uppskriftina upp fyrir gesti að ég lét prenta hana á kort, bæði á íslensku og frönsku, eins og hér má sjá fyrir neðan. Nú vorar og rabarbarinn farinn að vaxa, því er upplagt að bjóða sumarið velkomið með því að skella í pæ. Sjálfur er ég ekki hrifinn af að nota frosinn rabarbara og baka því aðeins pæið á meðan rabarbarinn vex.
Ef komið er fram í ágúst er gott að strá 1 msk af sykri yfir rabarbarann í forminu og láta bíða í nokkrar mínútur áður en deigið er látið yfir. Rabarbari verður súrari eftir því sem á sumarið líður.
G.K: „Svona eiga uppskriftir að vera: einfaldar og fljótlegar m. tilbrigðum -og bragðgóðar“
.
— RABARBARI — FÁSKRÚÐSFJÖRÐUR — FRANSKIR SJÓMENN — BESTU RABARBARAUPPSKRIFTIRNAR —
.
RABARBARAPÆ Alberts
Rabarbari ca 4-5 leggir
200 g smjör
2 dl sykur
1 tsk lyftiduft
2 dl hveiti
1 tsk vanilla eða vanillusykur
2 egg
Skolið rabarbarann og hreinsið, brytjið í 1-2 cm þykkar sneiðar. Setjið í eldfast form, vel botnfylli eða að vild.
Bræðið smjör í potti, bætið útí þurrefnunum og loks eggjunum. Blandið vel saman. Hellið deiginu yfir rabarbarann. Bakið við 170 ° í 25-30 mín eða þangað til pæið er orðið gulleitt að ofan. Berið fram með rjóma eða ís.
-Gott er að setja kókósmjöl, engifer eða kanil til tilbreytingar.
-Vel má minnka smjörið um helming og nota (kókos)olíu á móti.
ENDILEGA DEILIÐ ÞESSARI FRÁBÆRU UPPSKRIFT SVO FLEIRI FÁI NOTIÐ 🙂
![Rabarbarapæ Rabarbarapæ einfalt fljótlegt gott](https://i0.wp.com/alberteldar.is/wp-content/uploads/2012/04/Rabarbarapæ1.jpg?resize=696%2C917&ssl=1)
![Tarte a la rhubarbe Tarte a la rhubarbe](https://i0.wp.com/alberteldar.is/wp-content/uploads/2012/04/Tarte-a-la-rhubarbe.jpg?resize=696%2C918&ssl=1)
🇫🇷
Líka á frönsku – þið megið gjarnan láta Frakka vita af þessu
🇫🇷 🇮🇸
— RABARBARI — FÁSKRÚÐSFJÖRÐUR — FRANSKIR SJÓMENN — BESTU RABARBARAUPPSKRIFTIRNAR —