Hafrafitnesskökur. Þuríður kom með meinhollar hafrasmákökur eða hafraklatta á DC lokakvöldið
Hafrafitnesskökur
a)
1,25 bollar spelt
1 tsk matarsódi
1/2 tsk salt
1 1/2 tsk kanill
b)
100 ml góð olía
1/4 bolli púðursykur (eða minna)
2 tsk vanillusykur/vanillukorn (ég notaði vanillusykur)
2 egg
c)
3 bollar haframjöl
100 g rúsínur
½ bolli suðusúkkulaðidropar
Aðferð:
• Blandið a) saman í skál.
• Hrærið b) saman í aðra skál. Fyrir þetta þarf vél eða þeytara.
• Blandið a) og b) saman í skál. Það þarf nokkuð stóra skál, sérstaklega ef gerð er tvöföld uppskrift.
• Bæti c) við blöndu a) og b).
• Á þessu stigi er deigið enn nokkuð blautt.
• Búið til kúlur í höndunum eða notið teskeið. Athugið að klattarnir stækka í ofninum.
• Bakið í miðjum ofni við 200° í svona ca 10 mínútur ekki baka of lengi. Þeir eiga rétt að byrja að vera brúnir. Ekki láta ykkur bregða þó klattarnir séu enn dúnmjúkir eftir baksturinn. Leyfið þeim að kólna, og þá dökkna þeir aðeins og harðna.
• Útúr tvöfaldri uppskrift fékk ég 45 klatta, þ.e. 5 heilar plötur.
• Þetta tók mig eingöngu klukkutíma að gera þetta.
Nammi namm og gangi ykkur vel.
