Súkkulaðiterta
Sú var tíð að mér þótti nú ekki mikið til hráfæðis koma og horfði á það með talsverðri tortryggni. Ég tengdi það jafnvel við skrautlega persónu* úr skemmtiþætti fyrri ára – ekki alveg sanngjarnt, en svona eru fordómar oft til komnir.
Það var ekki fyrr en Björg Jóna bauð mér að smakka þessa tertu að eitthvað breyttist. Allt í einu opnaðist nýr heimur og viðhorfið varð annað. Síðan hefur nokkuð vatn runnið til sjávar – og ég horfi nú með allt öðrum augum á hráfæði.
Mikið vildi ég að ég hefði kynnst þessu fyrr 🙂
— HRÁTERTUR — SÚKKULAÐI — HRÁFÆÐI — GLÚTENLAUS —
.
Súkkulaðiterta
100 g möndlur
100 g kókosmjöl
200 g döðlur, leggið í bleyti í 2 min
2-3 msk hreint kakóduft
1/2 tsk hreint vanilluduft
2 msk kókosolía
½ dl agavesýróp
½ tsk salt
Setja í matvinnsluvél og blanda vel. Setjið í form og þjappið vel
súkkulaðikrem:
1 dl kókosolia, fljótandi
1 dl hreint kakóduft
100 g brætt gott dökkt súkkulaði
1/2 dl agavesýróp
¼ tsk hreint vanilluduft
1/3 tsk salt
Blandið öllu saman og hellið yfir á kökuna, kælið í ca eina klst.
.
— HRÁTERTUR — SÚKKULAÐI — HRÁFÆÐI — GLÚTENLAUS —
.
*Fríða fennel