Tagliatelle með sveppum og kapers
Afskaplega, svakalega er góður pastaréttur mikið lostæti. Í þennan rétt notuðum við ferskt pasta frá hinu stórfína veitingahúsi Piccolo Italía á Laugaveginum.
Tagliatelle með sveppum og kapers
400 g tagliatelle
1 1/2 askja af litlum hvítum sveppum
1 krukka kapers (100g)
1/2 dós niðursoðnir tómatar í bitum
6 hvítlauksrif, smátt söxuð
7-8 msk góð olía
salt og mikill pipar
2 msk gróflega saxað ferskt rósmarín
Handfylli af söxuðu basil
Sjóðið pastað samkvæmt leiðbeiningum á á umbúðunum. Skerið sveppina í tvennt og steikið þá á þurri en vel heitri pönnu. Bætið við kapers, tómötum, hvítlauk, olíu og rósmarín. Berið á borðið í sitt hvoru lagi og stráið yfir basil.
