Spínatsósa. Með hinum ýmsu bökum er gráupplagt að hafa góða sósu. Þessi sósa passar líka vel með salötum, buffum, grillmatnum og eflaust einhverju fleiru
Spínatsósa
150-200 g spínat
2 1/2 dl grísk jógúrt
1/4 tsk kúmín
smá paprikuduft
8-10 döðlur
1 hvítlauksrif
salt og pipar
Leggið döðlurnar í bleyti í 10-30 mín. Hellið vatninu af þeim, setjið allt í matvinnsluvél og maukið.
Margrét Jónsdóttir Njarðvík - magnaður eldhugi. Fyrir tveimur árum gengum við í kringum Mont Blanc á vegum Ferðaskrifstofunnar Mundo. Ferðin tók tvær vikur og var hin skemmtilegasta í alla staði. Margrét Jónsdóttir Njarðvík er eigandi Mundo en eftir 25 ára í akademíunni bjó hún til vinnu utan um sig þar sem styrkleikar hennar og áhugamál njóta sín. Þannig innihalda allar ferðir Mundo menntun, skemmtun, menningu og þjálfun. Fjölmargir hafa farið Jakobsveginn á hennar vegum og ungmennasumarbúðir á Spáni njóta vaxandi vinsælda. Nema hvað, hún hélt matarboð fyrir vini sína og ættingja. Maturinn í veislunni tengist þremur löndum, löndum sem Margrét ætlar að ferðast til á árinu með fólk á vegum Mundo.
Svo er nú gaman að segja frá því að við Svanhvít verðum fararstjórar á vegum Mundo í matarferð til Brussel í haust :) en Brussel hefur algerlega stolið senunni frá París í þeim efnum
Heimagert sítrónusmjör er unaðslegt. Oftast nota ég það með ostum og kexi. En ætli megi ekki segja að sítrónusmjörið sé margnota í matargerðinni. Með aðstoð Google má finna fjölmarga möguleika
Albert eldar er uppskrifta- og upplýsingavefur Alberts Eiríkssonar. Hann fór fyrst í loftið 15. febrúar 2012 og hefur síðan þá notið mikilla vinsælda.
Albert eldar is run by renowned icelandic chef and culinary enthusiast Albert Eiriksson. The website was launched in 2012 and has since then been very popular in Iceland.
