Karamellutertan góða
Þuríður Sigurðardóttir söngkonan skemmtilega var með þessa ægigóðu tertu er hún bauð nokkrum vinum til veislu. Færslan um matarboðið er HÉR
— KARAMELLU… — KORNFLEX — ÞURÍÐUR SIGURÐAR — TERTUR — KAFFIBOÐ —
.
KARAMELLUTERTA
3 egg
1 bolli sykur
100 g möndluflögur
1 bolli mulið Corn Flakes
1 tsk lyftiduft
100 g suðusúkkulaði, skorið í bita
Þeytið vel sama egg og sykur, bætið við möndluflögum, Cornflexi, lyftidufti og súkkulaði. Setjið í tvö 25 sm form, með bökunarpappír í botninum.
Bakið í miðjum ofni í u.þ.b. 20 mín. við 175°C.
Karamellubráð:
2 dl rjómi
½ bolli sykur
2 msk sýróp
Soðið saman – Betra að hafa pottinn ekki mjög lítinn, það sýður auðveldlega uppúr. Hrærið stöðugt í blöndunni þar til hún hefur þykknað. Þá er hún tekin af hellunni og bætt út í 30 gr. smjör, vanilludropum og loks eggjarauðu, þegar blandan hefur kólnað aðeins.
Þegar botnarnir hafa kólnað er bökunarpappírnum flett af og karamellubráðin lögð á milli botnanna. Að lokum fara 100 gr. brætt suðusúkkulaði yfir tertuna og látið kólna. Borin fram með þeyttum rjóma.
Það er upplagt að frysta þessa tertu en þá fer súkkulaðið yfir þegar hún hefur þiðnað.
🌸
— KARAMELLU… — KORNFLEX — ÞURÍÐUR SIGURÐAR — TERTUR — KAFFIBOÐ —
🌸🌸
