Eiríksdöðluterta

Eiríksdöðluterta

Þessi ljúffenga hráa döðluterta er einföld, saðsöm og alveg einstaklega góð. Hún er útbúin úr döðlum, banana, kókos, haframjöli og kakói og þarf hvorki að baka né hafa mikið fyrir henni.

Maður er nefndur Eiríkur Rafn. Hann bauð til kaffifundar á dögunum og bar fram þessa frábæru hráu döðlutertu. Það er fátt skemmtilegra en að fá svona gott með kaffinu og finna vellíðan streyma um líkamann.

Tertan er tilvalin sem kaffimeðlæti, eftirréttur eða þegar löngunin í eitthvað sætt gerir vart við sig. Hana má kæla í ísskáp eða setja stutta stund í frysti þegar mikið liggur á.

–  HRÁTERTUR  – TERTUR  – KAFFIMEÐLÆTI  –

.

Eiríksdöðluterta

500 g steinlausar döðlur
3–4 dl kókosmjöl
2 dl haframjöl
½ dl kakó
2 tsk. kanill
2 tsk. vanilluduft eða 1 tsk. vanilluextrakt
2 msk. kókosolía
2–3 bananar, eftir stærð
Örlítið salt
Kókosflögur til skrauts

Leggið döðlurnar í bleyti í að minnsta kosti 10 mínútur. Hellið vatninu af og setjið döðlurnar í matvinnsluvél. Einnig má nota öflugan töfrasprota.

Bætið kókosmjöli, haframjöli, kakói, kanil, vanillu, kókosolíu og salti saman við. Vinnið allt vel saman þar til blandan verður jöfn og þétt.

Stappið bananana og blandið þeim síðast saman við deigið. Bætið kókosmjölinu smám saman út í, þar sem tertan á að vera þétt en ekki of blaut.

Setjið blönduna í sílikonform eða annað hentugt kökuform og þjappið henni vel niður. Stráið kókosflögum yfir.

Kælið tertuna vel áður en hún er borin fram. Einnig má setja hana í frysti í stutta stund þegar flýta þarf fyrir.

Fleira áhugavert:

—  Muffins  – Rabarbari  – Póstlistinn –  Matarborgir –  Fiskur í ofni — Skyrtertur  — Egilsstaðir  — Nutella  —  Kryddbrauð —