Auglýsing
Sólarpönnukökur – birta, tilhlökkun og gleði stöðvarskarð sólin skín  Eyri í reyðarfirði búðir búðahreppur búðakauptúnsólarpönnsur pönnsur upprúllaðar pönnukökur rjómapönnukökur Fáskrúðsfjörður, sólarkaffi Fáskrúðsfjarðarhreppur, Berunes,  Þernunes,  Hafranes, gamli bærinn,   Kolmúli,  Vattarnes, Steinhúsið, Dagsbrún,   Kolfreyjustaður,  Kolfreyja,  Lækjamót,  Höfðahús,  Brimnesgerði Brimnes,  Kappeyri,  Gestsstaðir, Höfðatún Hólagerði, Dalir, Tunga, Sævarendi, Eyri,  Víkurgerði, Vík, Hvammur,  Hafnarnes
Sólarpönnukökur í stafla

Sólarpönnukökur. Sólarkaffi er drukkið þegar sólin skín aftur niður í byggð eftir skammdegið. Slíkt tilhald hefur tíðkast í janúar eða febrúar um allt land nema á Suðurlandi, en er almennast í þröngum fjörðum vestanlands og austan. Eftir að kaupstaðir tóku að myndast varð sólarkaffið sumstaðar að einhverskonar byggðarhátið eða átthagadegi brottfluttra. Sólarkaffi má vel kalla nútímatilbrigði við hina upphaflegu miðsvetrarhátið í tilefni sólhvarfa.*

🌞

— PÖNNUKÖKURFÁSKRÚÐSFJÖRÐURSÓLSKINSTERTARABARBARASULTABLÁBERJASULTAFÁSKRÚÐSFJARÐARÞJÓÐSÖGUR

Þeir sem ekki sjá sólina í nokkrar vikur eða mánuði á hverjum vetri gera sér gjarnan dagamun þegar hún fer að skína aftur.  Við sem erum alin upp við sólarpönnukökur vitum að með þeim byrjar nýtt tímabil birtu, tilhlökkunar og gleði.  Þessari mynd fylgir engin uppskrift, í hana notaði ég heilhveiti og spelt (2 hl og 1 hl), mjólk, salt, matarsóda, olíu, mjólk, kardimommur og vanillu – en komst að því að ég átti engin egg. Ákvað að gera tilraun og bakaði pönnukökurnar án eggja og viti menn, það er vel hægt. Eggjalausar pönnukökur með ávaxtasalati, bláberjasultu og þeyttum rjóma. S’il vous plaît !

🌞

Sólardagarnir í Fáskrúðsfjarðarhreppi. Á mínum æskuslóðum á Fáskrúðsfirði var sólarkomu fagnað með pönnukökum á hverjum bæ. Eðlilega er sólardagurinn ekki sá sami bæ frá bæ.

Berunes          4. febrúar
Þernunes        30. janúar
Hafranes         11. febrúar
-gamli bærinn  8. febrúar 
Kolmúli            11. febrúar
Vattarnes
  -Steinhúsið     8. janúar
  -Dagsbrún     18. janúar

Kolfreyjustaður – sést allt árið
Kolfreyja           – sést allt árið
Lækjamót       10. janúar
Höfðahús        7. janúar
Brimnesgerði  20. janúar
Brimnes           21. janúar
Kappeyri          24. janúar

Gestsstaðir    28. janúar
Höfðatún       27. janúar
Hólagerði      27. janúar
Dalir               11. febrúar

Tunga            8. febrúar
Sævarendi    11. feb
Eyri                5. febrúar
Víkurgerði     4. febrúar
Vík                 6. febrúar
Hvammur     2. febrúar
Hafnarnes     -sést allt árið

Á Búðum sést sólin fyrst í Skólabrekku 9 þann 21. janúar en sést í öllum bænum 28. janúar.
Á Eyri í Reyðarfirði sést sólin 9. febrúar.

— PÖNNUKÖKURFÁSKRÚÐSFJÖRÐURSÓLSKINSTERTARABARBARASULTABLÁBERJASULTAFÁSKRÚÐSFJARÐARÞJÓÐSÖGUR

Sólin skín yfir Hvammsheiði á sólardeginum í Brimnesgerði sem er 20. janúar. Myndin er tekin þar á bæjarhlaðinu.

*Saga daganna eftir Árna Björnsson

🌞

— SÓLARPÖNNUKÖKUR —

🌞🌞

Auglýsing