Bláberjaterta – brosandi góð hollusta

Bláberjaterta - bláberjakaka brosandi góð hollusta Margrét Þórhildur Eggertsdóttir, Guðrún Sturludóttir og Friðrika Hanna Björnsdóttir. þorgrímsstaðir bláber terta kaka hráterta hrákaka
Bláberjaterta – brosandi góð hollusta

Bláberjaterta – brosandi góð hollusta

Sumarvinnan mín í ár er að elda á hóteli í Breiðdal. Aðstoðarstúlkurnar, sem ég kalla oftast gengilbeinur, fengu áskorun: Að semja texta við þessa tertu sem öllum þótti einstaklega góð. Myndin hér að neðan var tekin þegar þær í mikilli gleðivímu, sömdu textann og flissuðu heil ósköp á meðan. Texti þeirra er svo fyrir neðan myndina #lesistmeðþartilgerðumgleraugum.

— HRÁTERTUR — BLÁBERTERTURBREIÐDALUR

.

Eldhressar stúlkur. Margrét Þórhildur Eggertsdóttir, Guðrún Sturludóttir og Friðrika Hanna Björnsdóttir

BláberjatertAN. Ólýsanleg terta. Ólýsanlega góð. Ólýsanlegt bragð nema smá bláberja. Gjörsamlega ólýsanlegt en ef við ættum að lýsa henni þá myndum við segja: Ansi hugguleg, keimur af kókos sem kemur frá kókosolíunni og kókosmjölinu, fersk bláber, mátulega sæt og grófmalaðar möndlurnar gera gæfumuninn fyrir áferðina. Smá rjómi með og þú ert kominn í ólýsanlega gott ástand. Albert hefur slegið öll met hér. Albert er glæpsamlega ólýsanlegur. 13/10. Tak for os.

„Ein besta hrákaka sem ég hef smakkað.” -New York Times

„Ef þessi kaka væri manneskja þá væri hún Rúrik Gíslason” -Men’s Health

„Une victoire pour le monde de gâteaux crus !” -Le Monde

„Þessi fer á blossandi ferð upp metsölulistann […] blossandi bjáberjaterta!” -Barnes & Noble

Einn er hver einn, kveðja Margrét Þórhildur Eggertsdóttir, Guðrún Sturludóttir og Friðrika Hanna Björnsdóttir.

— HRÁTERTUR — BLÁBERTERTUR

Bláberjaterta

Bláberjaterta – brosandi góð hollusta

Botn:

150 g ferskar döðlur (ca 1/2 bolli)
130 g möndlur (ca 1 bolli)
2-3 msk hunang
1/2 tsk salt

Fylling:

1 1/2 dl kókosmjöl
1 1/2 dl kasjúhnetur
2 -3 dl fersk bláber
1-2 msk hunang
2-3 msk fljótandi kókosolía
2 tsk sítrónusafi

Botn: Malið möndlur í matvinnsluvél, bætið döðlum og hunangi saman við. Setjið smelluform hring á kökudisk og þrýstið deiginu í formið. Kælið.

Fylling: Maukið allt saman í matvinnsluvél. Hellið blöndunni í formið og kælið í nokkra klukkutíma. Rennið hníf meðfram smelluformshringnum og takið hann af. Skreytið með bláberjum og kókosmjöli.

Bláberjaterta

.

— HRÁTERTUR — BLÁBERTERTURBREIÐDALUR

— BLÁBERJATERTA – BROSANDI HOLLUSTA —

.

Auglýsing

Meira úr sama flokki

Steypiboðstertan

Steypiboðstertan. Vinkonur Jóhönnu frænku minnar komu henni á óvænt með Baby Shower boði sem kallast Steypiboð á íslensku. Meðal góðra kaffiveitinga þar var þessi góða og fallega terta. Það þarf ekki alltaf að flækja málin, vel má bjarga sér á pakkatertum eins og frá Betty Crocker eins og gert er hér.Saltkaramellusmjörkrem, sem er alveg himneskt, á milli, á hliðarnar og ofan á. Ofan á það fór svo bleikt súkkulaði frá Allt í köku.

Kryddbrauð – sex uppskriftir og þær eru hver annarri betri

Kryddbrauð - sex uppskriftir og þær eru hver annarri betri. Já ég veit, mér þykja kryddbrauð mjög góð, alveg súper-extra-mjög-góð. Mér var bent á það í dag að það væru sex kryddbrauðsuppskriftir á blogginu. Gaman að því :) Hér koma uppskriftirnar sex, þær eru ekki neinni sérstakri röð. Í öllum bænum bakið kryddbrauð, hellið uppá kaffi og haldið smá kaffiboð :)

Pistasíusmákökur

Pisasiusmakokur

Pistasíusmákökur. Þegar ég kom heim úr vinnunni lagði bakstursilminn úr á götu, Bergþór minn stóð í stórræðum og bakaði pistasíusmákökur að miklum móð til að bjóða sameikurum sínum í Borgarleikhúsinu upp á að lokinni sýningu í kvöld.