Kaldur brauðréttur með rækjum og ananas
Einfaldur og fallegur réttur sem slær alltaf í gegn
Það er eitthvað ómótstæðilegt við góðan kaldan brauðrétt. Hann er bæði einfaldur og fallegur á borði – og bragðið er mild blanda af rjóma, sætum ávexti og fersku grænmeti. Þetta er svona réttur sem maður fær sér „bara aðeins meira“ af.
Á sólríkum degi í byrjun sumars hitti ég nýstofnaðan saumaklúbb nokkurra Fáskrúðsfjarðarkvenna sem allar eru fæddar 1963 og eiga því stórafmæli í ár. Þær búa allar á höfuðborgarsvæðinu og eru þekktar fyrir mikinn matar- og tertuáhuga. Gaman að segja frá því að mér veittist sá heiður að gerast „verndari“ klúbbsins þar sem upphringing mín varð til þess að klúbburinn varð að veruleika – það reyndist auðvitað auðsótt enda ekki á hverjum degi sem miðaldra karlmaður tekur þátt í að stofna saumaklúbb þó óbeint sé 🙂
Þessi réttur kom einmitt af borði þeirra – einfaldur en einstaklega vinsæll.
— KALDIR RÉTTIR — RÆKJUR — SAUMAKLÚBBUR — KLÚBBARÉTTIR — ÍSLENSKT — KAFFIMEÐLÆTI — HEITIR RÉTTIR —
.
Þessi kaldi brauðréttur með rækjum og ananas er bæði fljótlegur og hentar vel í veislur og kaffiboð.
Kaldur brauðréttur
½ brauð (skorpulaust), rifið
1 lítil dós ananaskurl (með safa)
2–3 msk majónes
1 box sýrður rjómi
Dalabrie eða annar góður ostur
4–5 bollar rækjur
½ gul, rauð og græn paprika
vínber.
Rífið brauðið og setjið í form.
Blandið saman ananas, majónesi og sýrðum rjóma og hellið yfir.
Setjið ost yfir.
Dreifið rækjum og grænmeti yfir.
Toppið með vínberjum og kælið vel áður en borið er fram.
Sjá einnig:
Kaldir réttir
Léttir og girnilegir réttir sem henta vel í veislur, hlaðborð og sumardaga.
Saumaklúbburinn
Hugmyndir að réttum sem eru fullkomnir þegar hittast á í góðum félagsskap.
Klúbbarréttir
Vinsælir og einfaldir réttir sem slá alltaf í gegn í boðum og samkomum.
Íslenskt
Hefðbundnar og nýjar íslenskar uppskriftir með rót í matarhefðinni.
Fáskrúðsfjörður
Færslur og minningar tengdar Fáskrúðsfirði og matarmenningu staðarins.
.