Bygg- og kjúklingabaunafylltar paprikur.
Þessi uppskrift er, eins og margar aðrar góðar, frá Dóru í Listaháskólanum.
Karrý er ekki sama og karrý, það er eitthvað sem lærist með árunum. Hef ekki tölu á öllum þeim karrýtegundum sem ég hef prófað í gegnum tíðina, vöndum karrývalið. Þar sem allur osturinn kláraðist stráði ég kókosmjöli yfir og bakaði svo.
.
— DÓRA EMILS — LISTAHÁSKÓLINN — PAPRIKUR — KJÚKLINGABAUNIR —
.
Bygg- og kjúklingabaunafylltar paprikur
1 laukur
5 msk góð olía
3 msk kókosolía
3 hvítlauksrif
1 msk saxað ferskt basil
1 tsk timían
1 tsk gott karrý
1 dl rúsínur
2 soðin egg, söxuð smátt
2 dl soðið bygg
2 dl soðið hirsi (eða kínóa)
1 ds kjúklingabaunir
1 dl rifinn ostur
1 dl fetaostur, saxaður
1/2 ds kókosmjólk
cayannepipar
salt og pipar
4-5 rauðar paprikur
Sjóðið bygg og hirsi/kínóa í sitthvorum pottinum samkvæmt leiðbeiningum.
Saxið lauk og steikið í olíunum í sæmilega stórum potti, bætið við hvítlauk, basil, timían og karrýi – steikið við lágan hita í stutta stund.
Bætið við eggjum, byggi, hirsi, kjúklingabaunum, osti, kókosmjólk, salti og pipar.
Látið sjóða í stutta stund.
Skerið paprikurnar í helming og fræhreinsið. Fyllið þær og bakið í um 45 mín á 150°
Svo má líka setja nokkrar ólífur saman við
.
— DÓRA EMILS — LISTAHÁSKÓLINN — PAPRIKUR — KJÚKLINGABAUNIR —
— FYLLTAR PAPRIKUR —
.
