Gulrótamauk. Diddú kallar ekki allt ömmu sína þegar kemur að veislum og það er afar auðvelt að fá á henni matarást. Í kaffiboði sópransöngkonunnar voru tertur og fleira góðgæti – meðal annars þetta bragðgóða og litfagra gulrótamauk, Stundum bregðum við undir okkur hjólfákunum og hjólum í Mosfellsdalinn. Þegar þangað er komið er maður orðinn banhungraður og getur hámað í sig með góðri samvisku…
Gulrótamauk
10 meðalstórar gulrætur
2 msk ólífuolía
3 hvítlauksrif (pressuð)
Væn lúka af rifinni engiferrót
2 tsk túrmerik
2 tsk broddkúmen
2 tsk kanill
4 msk sítrónusafi
1 dl tahini
1 dl grísk jógúrt
Lófafylli saxaður kóríander
Skerið gulrætur í bita og sjóðið, þar til þær verða mjúkar.
Setjið olíu á pönnu og hvítlaukur, engiferið, kanillinn, kúrkúma, broddkúmen látið krauma létt þar til ilmar vel.
Þá er sítrónusafanum og gulrótum bætt útá og blandað vel saman.
Látið kólna ögn, þá er tahini og yogúrtinni bætt saman við og allt maukað í blandara
Rétt áður en borið er fram er smásöxuðum kóriander bætt útí.
Mjög gott með t.d. nanbrauði eða sem meðlæti með grilluðu kjöti.
