Ofnbakaður lax með brauðhjúp

Ef vill má strá nokkrum kornum af raspi yfir fiskinn áður en hann fer í ofninn. Auðvitað þarf ekki að nota lax en eins og kunnugt er er feitur fiskur hollari og því um að gera að hafa það bak við eyrað.

Athugið að fara sparlega með saltið því osturinn er saltur.

— LAX — FISKUR Í OFNI —

Ofnbakaður lax með brauðhjúp

1 laxaflak

1 1/2 dl mæjónes

1 1/2 dl rasp

3 msk rifinn Parmesan ostur

1 tsk Dijon sinnep

1 msk saxaður blaðlaukur

salt og pipar

steinselja.

Leggið fiskinn í eldfast form. Blandið saman mæjónesi, raspinu, osti, sinnepi, blaðlauk, salti og pipar. Smyrjið þessu yfir fiskinn. Bakið við 170° í um 15 mín. Stráið steinelju yfir.