Bláberja- og sérrýterta

Downton Abbey, sérrý sérrý  bláberjaterta, bláberjasulta, svampbotn, frómas
Bláberja- og sérrýterta 

Bláberja- og sérrýterta 

Frá fyrsta þætti hef ég fylgst vandlega með öllu sem viðkemur mat í Downton Abbey þáttunum. Til eru D.A.matreiðslubækur sem ég hef verið að prófa eitt og annað úr og oftast verið mjög ánægður. Hér er sérrýterta sem minnir á Maggie Smith, sú gamla drekkur jú daglega sérrýið sitt og er langoftast klædd einhverju fjólubláu. Það má segja að bláberin þessa tertu séu sérvalin 🙂 Mjög mikið var af berjum á Austurlandi í sumar og móðir mín tíndi þau í lítravís, frysti og sultaði.

TERTURBLÁBERSÉRRÝDOWNTON ABBEYFRÓMAS

.

Bláberja- og sérrýterta

Botn:
80 g smjör, lint
1 1/2 dl sykur
4 egg
1 1/2 dl góð olía
1 1/2 dl hveiti
1 tsk lyftiduft
1/2 tsk salt
1 dl möndluflögur

Á milli:
1/2 dl sérrý (eða rúmlega það)
1-2 dl bláberjasulta

 Bláberjafrómas:
4 egg
3 dl rjómi
1/2 tsk vanillu extrakt
1/2 dl ávaxtasafi
safi úr 1/2 sítrónu (eða rúmlega það)
2 msk af bláberjasultu
1/2 – 1 dl bláber, fersk eða frosin
4 matarlímsblöð
1/2 dl sykur

Botn:

Hrærið smjör, sykur og egg vel saman – bætið við olíunni. Setjið hveiti, lyftiduft og salt saman við og allra síðast möndluflögurnar. Látið í  smurt smelluform. Bakið við 180 gráður, í um 20 mín.

Bláberjafrómas:

Setjið vatn í pott, glerskál ofan á og í skálina ávaxtasafa, sítrónusafa, sultu og matarlímsblöð (skolið fyrst í köldu vatni). Bræðið í vatnsbaði en gætið að hita ekki of mikið eða lengi.

Stífþeytið rjómann og bætið vanillu saman við. Þeytið egg og sykur vel í annari skál. Matarlímsblöndunni saman við eggjahræruna, því næst er bláberjunum blandað saman við. Þessi blanda fer svo saman við rjómann. Blandið varlega saman með sleif.

Tertan sett saman:

Setjið botninn á tertudisk, látið hringinn af bökunarforminu vera utan um botninn. Hellið sérrýi yfir. Dreifið úr bláberjasultunni yfir botninn. Hellið frómasinum yfir og geymið í ísskáp í amk klst.

Rennið brautum borðhníf meðfram tertufrominu og losið þannig tertuna frá. Skreytið með súkkulaði, kókosflögum, berjum eða öðru.

Bláberja- og sérrýterta – Downton Abbey
Bláberja- og sérrýterta

TERTURBLÁBERSÉRRÝDOWNTON ABBEYFRÓMAS

.

Auglýsing

Meira úr sama flokki

Mackintosh’s íssósa – restin af molunum í pott ásamt rjóma og úr verður afbragðs íssósa

Mackinthos

20151220_214955

Mackintosh's íssósa.  Þegar allir „bestu molarnir” eru búnir er upplagt að setja restina í pott með nokkrum matskeiðum af rjóma og bræða við lágan hita og nota sem íssósu. Í öllum bænum deilið þessu með fólki sem dáir Mackintosh´s (hver gerir það ekki?)