Metnaður og metnaðarleysi
Við búum svo vel að hér er mikil samkeppni meðal veitingahúsa sem helst í hendur við fjölda ferðamanna og metnað þeirra sem vinna á veitingahúsunum. Hef nefnt það áður að nú er aðeins tímaspursmál hvenær íslenskt veitingahús kemst inn á Michelin stjörnulistann.
Af ýmsum ástæðum höfum við Bergþór valið að borða minna af dýraafurðum.
Í gær vorum við á árshátíð og pöntuðum, ásamt fleirum, grænmetisrétti með góðum fyrirvara.
Í forrétt fengum við saxað þurrt icebergsalat og í aðalrétt var þessi ótrúlegi, bragðlausi og óspennandi kúskúsréttur.
