Á réttum tíma – hvorki of snemma né of seint
Stundvísi er ein skýrasta birtingarmynd góðra siða og ómissandi hluti borðsiða.
Að mæta á réttum tíma sýnir virðingu fyrir gestgjafanum, tillitssemi við aðra gesti og skilning á því hve vandlega boð og undirbúningur eru skipulögð. Hvorki of snemma né of seint – þetta smáatriði skiptir meira máli en margir gera sér grein fyrir.
— KURTEISI/BORÐSIÐIR — ENGLISH —
.
Á réttum tíma
Það getur komið fyrir okkur öll að vera sein fyrir. Í slíkum tilvikum er kurteisast að hringja eða senda skilaboð, biðjast afsökunar og jafnframt hvetja gestgjafann til þess að halda áfram með veitingar ef þess er þörf. Þegar við mætum á staðinn biðjumst við aftur afsökunar og, ef við á, segjum stuttlega frá því hvað tafði okkur.
Fimm til sjö mínútur
Sé okkur boðið á ákveðinn tíma leggjum við okkur fram um að mæta á réttum tíma. Gestgjafinn skipuleggur undirbúning sinn með boðstímann í huga og því skiptir stundvísi máli. Í matarboðum má þó telja fimm til sjö mínútna seinkun ásættanlega, enda er hún oft óhjákvæmileg í dagsins önn.
ALLS EKKI MÆTA OF SNEMMA
Það getur einnig verið óþægilegt að mæta of snemma. Gestgjafinn kann þá að vera í miðjum undirbúningi – eða jafnvel nýkominn úr sturtu. Eins og áður segir miðast undirbúningurinn við þann tíma sem boðið er, og því er best að virða hann.
Samantekt:
Við mætum hvorki of snemma né of seint. Stundvísi er einföld, en afar mikilvæg, kurteisi.
.
— KURTEISI/BORÐSIÐIR — ENGLISH —
.
.
.